517-ə hissə-Kəhfi surə-95-101 şərifə ayəon

517-ə hissə

قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْماً (95) 

(Zul-Ğərneyn cəvobədə)Voteşe: çımı pərvərdıqori bəmı doə ğudrət vey çoke. çən, bəmı de yolə ğıvvə koməqkənən ta şımə deçəvon miyono qıləy ğoymə sədd ğərol bıdəm.

آتُونِي زُبَرَ الْحَدِيدِ حَتَّى إِذَا سَاوَى بَيْنَ الصَّدَفَيْنِ قَالَ انفُخُوا حَتَّى إِذَا جَعَلَهُ نَاراً قَالَ آتُونِي أُفْرِغْ عَلَيْهِ قِطْراً (96) 

Osoni tikəon bomı biyənən. çoko dıqlə bandi miyono bərobər(həmsəth) be, voteşe: tosə çəy otəş qəte pukənən.voteşe:sı(ov)kardə bıə mısi biyənən,çım osonon səpe rukənən.

Dəvardə proqrmədə votemone ki,həmişə çı vəhşiyə ğovmon hucumi mə`rəzədə bıə qıləy məntəğ ğovmi, çı Zul-Ğərneyniku tələbış karde ki,çı dıqlə bandi miyono bıə çəvon nufuzi vırə bıpuşnon iyən həmonə ğovmi çə vəhşiyə ğovmiku əmonədə oqəto.

In ayəon hamyedə:Zul-Ğərneyni voteşe:bəbe ıştən iştirokkoyn iyən ıştə zumandə şəxson çımı ixtiyorədə ğərol bıdoyn ta çı oson iyən mısiku qıləy umjənə və sulə bısoxtəmon ki, bəçəvon bın məntəğə nufuzi vəy bıqəto.az şıməku çımi əvəzi hiç qıləy mıkofot iyən muzdım həm piyedəni,zira Xıdovəndi bəmı əto kardə çi,şımə bəmı doə çiyonsə vey çoke.

Çın ayəonku umutedəmon:

1-ilahi ovliyaon çı məxloği dınyo koonədə çəvon problemon həll kardeyro həm dıləsut iyən məsuliyyətinin.məxsusən bəçəvon əmniyyəti koon ziyodə dığğətışon kardə.

2-dıjdə layihəon əncom doey koonədə çıməxloği iştirak kardey vey muhimme ta həm çəvon miyono yənde dastiku qətey ruhiyyə bəyji bıbu və həm ıştə zəhmət iyən xıdməton ğədri bızınon iyən əy de rohətə holi çı dasto nıdəyn.

3-çı imkonat, budcə iyən ğıvvə vucud vəs kardedəni,bəlkəm qıləy loyığ iyən tədbirinə mudir lozıme ta koon çok-çoki bə və bobəy iyən proyekton bə nəticə bırosni. Zul-Ğərneyni bənav qırd imkonaton milləti dastədə hestebe. fəğət bənə Zul-Ğərneyni qıləy mudirışon nıbe.

فَمَا اسْطَاعُوا أَن يَظْهَرُوهُ وَمَا اسْتَطَاعُوا لَهُ نَقْباً (97)‏

(Çım divo soxtey bədiqə Yəcuc-Məcuc) Nə çəyku dəvardey zınin və nə bəvədə qıləy hılışon oj kardey zıne.(nufuz kardeyışon nızıne).

قَالَ هَذَا رَحْمَةٌ مِّن رَّبِّي فَإِذَا جَاء وَعْدُ رَبِّي جَعَلَهُ دَكَّاء وَكَانَ وَعْدُ رَبِّي حَقّاً (98) 

(Zul-Ğərneyni)Voteşe: ım çımı pərvərdıqori qıləy yolə rəhməte(və tosə qıləy mıəyyənə faxti bərpoe). çən,ha faxti çımı pərvərdıqori və`də faxt bırəso, həmonə(səddi) hırd iyən həmo bəkay və çımı pərvərdıqori və`də həxe.

In ayəon bə se qılə nuktə təkid kardedə:qıləyni  ıme ki,Zul-Ğərneyni dutə sədd anəndə ğoym iyən bılınd soxtebe ki,hucum kardə həmonə vəhşiyə ğovm, nə çəyku ovaşte ğıvvəş hıstebe,və nə bəy nufuz kardey hınəşon hestebe. Çə həmonə səddi dırozi iyən hevuji joqo be ki,hiçkəsi hınəş nıbe çəy səpe petati.çı sı kardə bıə oson iyən mısi sulə həm jıqo be ki,hişkəsi ğıvvəş nıbe əy xərobkəy və ya çəyku dəvardey xoto əy hılkəy.

Dıminə nuktə ım be ki,Zul-Ğərneyni ım koş nə bəştə iyən nə bə cokəsiş nisbətış nıdoe, bəlkəm əvış bə Xıdovəndi bə ım məntəğə camaati əmniyyətiro bıə qıləy lutf iyən rəhmətış zıne.

Seminə nuktə ımbe ki,qıləy ruj bome ki,ım ğoymə sədd xərob bəbe və əv çı ğıyoməti astanədə ki,qıləy dıjdə zəlzəzlə zəmini dimi ebəqəte iyən çı zəmini səthi həmo iyən i şikilədə bəkay.

Çın ayəonku umutedəmon:

1-ıştə ko mohkəm kardey və dığğətin bıey,ilahi ovliayon sirə və şıə roye.məsələn ım sədd joqo ğoym soxtey bəbe ki,sovə ğıyoməti buməlarzə hiççi əy xərob kardey nibəzıne.

2-ilahiyə merdon, ıştə iyən məxloği ovandətiyon çı Xıdo lutf zıneydən iyən hiçfaxti bə təkəbbırəti iyən məğrurəti dıço beydənin.

3-çəmə bə ğıyoməti ruji etığodımon heste,əmmo bəbe ıştə dınyəviyə koonədə de ğudrəti iyən dığğəti hərəkətkəmon.həm bo dınyo həmən bo axırəti cəhdkəmon.

وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ وَنُفِخَ فِي الصُّورِ فَجَمَعْنَاهُمْ جَمْعاً (99) 

Və həmonə ruj(dınyo oxoyədə) məxloği(sə) vabədomon ta kali qılə bənə ləpə bəyənde bəqıneyn və(çoko) sur pu kardey be,qırd əvoni bə ico cəm bəkamon.

وَعَرَضْنَا جَهَنَّمَ يَوْمَئِذٍ لِّلْكَافِرِينَ عَرْضاً (100) 

Həmonə ruji çoko lozıme cəhəndımi bə kofiron nışon bədomon.

الَّذِينَ كَانَتْ أَعْيُنُهُمْ فِي غِطَاء عَن ذِكْرِي وَكَانُوا لَا يَسْتَطِيعُونَ سَمْعاً (101) 

Əvon ki, çəvon çəşon mıni zikr kardeyro ğəfləti pardədə be iyən(həxı) məsey ğudrətışon nıbe.

In ayəon de Ənbiya surə 96-ə ayə mığoyisədə jıqo bə nəzə omeydə ki,ğıyoməti astanədə Zul-Ğərneyni dutə sədd xərob bəbe iyən Yə`cuc-Məcuci ğovm ijən sənibəton ıştə vəhşiyonə hucumi bino bəkayn.əvon bənə ləpə zəmini baxşon bəqəteyn, tosə ə zəmoni ki,sur pukardey bəbe iyən qırd məxloğ çı dınyoku bəşeyn iyən de peşonə suri pu kardey vositə ijən həmmə bəyji bəbeyn və ğıyoməti səhroədə hozzı bəbeyn. bə zəmon kofiron bə cəhəndım bəşeyn.zira çəvon dıl,quş iyən çəşon həxı ğəbul kardeyku ocizin və jıqo bə ğəfləti dıço bıəbin iyən Xıdoşon çı yodo bekardəşonbe ki,jıqo bızın çəvon çəşon vədə pardə ğərolış qətə və həni hiççi vindey iyən məsey zıneydəni.

Çın ayəonku umutedəmon:

1-çı axirəz-zəmon iyən dınyo oxo nışonəonku ıme ki,hərc-mərc çı milləti miyono pevolo bəbe və bə vəhşiyə milləton hucumi məruz bəmandeyn.

2-təbyəti bə əməl omə çiyon veyni,Xıdo nemət,rəhmət iyən ğudrəti zikr kardey nışonəy.əmmo milləti əksər pand qəteydənin.jıqo bızın əvon vindedənin.