519-ə hissə-Kəhfi surə-107-110 şərifə ayəon

519-ə hissə

إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلاً (107) 

Şək ni ki,imonış vardə iyən loyığinə ko əncom doə kəson mənzıl vəhışti vey aliyə vırədə(Firdovsədə) bəbe.

خَالِدِينَ فِيهَا لَا يَبْغُونَ عَنْهَا حِوَلاً (108) 

Əvon əyo əbədi bəmandeyn iyən əvon çəyu vırə bə-vırə(beşey) tələbi nibəkayn.

Dəvardə bərnomədə çı kofir iyən həxı təkzib kardə kəson ağıbəti barədə be.vəynə ayəonədə çın qrup insonon bə cəhəndım eqıniye iyən çəvon əməlon məhv bıey barədə bəhs be. əmmo ın ayəon bə kofiron mığobilədə bıə qrupi,yəni bə salehə mominon işorə kardedə və hamyedə ki,ğəlbiyə imon iyən bə xoş omə iyən ləyoğətinə əməlon,insoni çı vəhışti mehmon kardedə.qıləy vəhışt ki,çı pok iyən çokə insonon əbədiyə mənzılqo və vırəy və bəvədə hiç qıləy ayb,nuxson iyən əzob-əziyyət ni ki, vəhışti əhl bə çə vırəysə bəpe iyən çokə vırə şıey fikədə bıbon.

Bə islomi peyğombəriku(s) rəsə rəvoyəton əsos,vəhışti dərəcəonış heste və çəy həmməysə bəpe bıə dərəcə “Firdovs”-ə nomış heste ki,bın ayəonədə bəy işorə bıə.

Çın ayəonku umutedəmon:

1-bə vəhışti şıeyro bəbe əməlı bıbu.nəinki,de zıvoni.imon iyən salehə əməl har dıqləyni lozıme.

2-vəhışti dayirə iyən çəy novbə-novə miyvəon joqoe ki,vəhışti əhl hiçfaxti əyo oqoneydənin iyən co qılə çokə vırə dumo nin.

قُل لَّوْ كَانَ الْبَحْرُ مِدَاداً لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَداً (109) 

(Ha pəyğombər ha!)Vuji:ehanə dıyo bo çımı pərvərdıqori kəliməon(nıvışteyro) mırəkkəb bıbu, çımı pərvərdıqori kəliməon orəxey bənav, dıyo (ov) bə oxo bərəse. harçənd bənə əy co qılə dıyo bo koməq kardeyo biyəmon.

Kəhfi surə oxoyədə iyən Əshabi-Kəhfi dastoni,Mosə(ə)-i de Xızr(ə)-i iyən Zul-Ğərneyni dastoni bəyoni dəvomədə,islomi əziz-qramiyə peyğombər(s) məmur bedə dlqlə mətləbi bə umu-məxloği,ısət çı kofir bıbu ya mısılmon,elankəy.liza çın ayə iyən peşonə ayə sıftədə ki,çı Kəhfi surə oxonə hissəy,”Ğul”-i(bıvot) kəlmə tikror bıə.

Harçənd ım kəlmə həm nıvo,mıəyyəne ki,peyğombər(s) ıştəku qıləy sıxan votedəni və Ğıron qırd ilahi vəhye ki,bə peyğombər(s)-i ğəlbi nozil bıə iyən çə həzrəti zıvonədə cari bıə.

In ayə hamyedə: ilahi kəliməon çı bəşəri dərk iyən hisobi xaricədəy.joqo ki,ehanə çı dıyoon ov mırəkkəb iyən covhər bıbu,ijən çəy nıvıştey imkon ni və çə həmonə dıyoon ov təmom bəbe,əmmo ilahi kəliməon sə nibəbe.əmmo çı Xıdo kəliməonku murad və məğsəd çiçe? Ruşine ki,qırd ilahi ofəyə bıə çiyon,ısət çı dıjd bıbu ya hırd, çı atomi qıləy zərrəku tosə kurəon və dıjdə planeton,ımon həmmə çı Xıdo vucudi iyən xılğəti kitobi kəliməon nışonəonin.qırd osmoniyə kitobon iyən bə peyğombəri(s) vəhy bıə kəliməon,ilahi kəliməonin və de qıləy co təbiri harçi Xıdo nışonəonkue, ilahi kəliməy.liza de Kərimə-Ğıroni təbirədə həzrəte İsa(ə) “Kəlimətul-lah”-e.zira çəy çı məxloği miyono bıə vucud,çı ilahi mecuzəonku qıləyni bıə.

Çın ayəku umutedəmon:

1-qırd hestemoni aləm kəlimətullah iyən pərvərdıqori-aləmi nışonəonkue.ehanə insoni çəş iyən quş ım kəliməon bıməson iyən bıvindon,çəvonku boştə kəmoliro oko bədoon.

2-harçənd çı bəşəri elm bəvə şedə,çəy nızınə ziydoə çiyon çəy vədə mandə və hiçfaxti bə elm iyən zıney oxo rəseydəni.

قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلاً صَالِحاً وَلَا يُشْرِكْ بِعِبَادَةِ رَبِّهِ أَحَداً (110)

(Ha peyğombər ha!) Bıvot: həyğətən, az həm bənə şımə qıləy bəşərim(əmmo) bəmı vəhy bedə ki, şımə Xıdo iqləy. çən, hakəs deştə pərəvərdıqori vindemon kardey umu iyən bovəş hestebu, bəbe loyığinə ko əncom bıdo, iyən(ıştə) ibodətədə hiçkəsi boştə pərvərdıqori şərik ğərol nıdəy.

Bın ayədə ki, çı Kəhfi surə oxonə ayəy,peyğombər(s) məmur bedə ki,de ojə-oşkoə holəti elanəkəy ki,az həm bədə şımə qıləy insonim.çımı deşmə fərğ fəğət ıme ki, Xıdovənde-Aləm bəmı vəhy kardedə iyən mı çı ilahi əmron bə məxloği rosnə məmurim. ım xəbəon çı bıtprəstəti iyən şırkiku bə diyəro bıey iyən çokə ko əncom doeyku co qıləy xəbəon nin.və əgər joqo bıkoyn(çokəko əncom bıdəon və şırki pərəstışiku pərhizkoyn) ğıyoməti ruji həm bə ilahi lutfi loyığ vindey bəbiyon və bə vəhışt varid bəbiyon.

Bın ayədə bə tohid iyən çı şırkiku bə diyəro mandey təkid bedə ta mominon ixlosinə əməl əncom bıdəyn iyən əvoni məxfiyə şırk bıə riyokorətiku nəyhkəy.

Çın ayəku umutedəmon:

1-ıştəni çı həddiku ziyodə tərif məkəmon.peyğombəron həm ıştəni bəşər elan kardedəbin, nəinki,çı bəşərisə bəpe və ım bo əvon qıləy kəmol bə hisob omeydə. zira ım insone ki, kardey zıneydə bo co insonon ulqu bıbu, nəinki,firiştəon iyən co movcudaton.

2-salehə əməl nıbə holədə bə vəhışti bıə umud,qıləy bemənoə orzue.həyğiyə umud çı insoni zəhmət və cəhdoənədə zohir bedə.