526-ə hissə-Məryəmi surə-35-40 şərifə ayəon

526-ə hissə

مَا كَانَ لِلَّهِ أَن يَتَّخِذَ مِن وَلَدٍ سُبْحَانَهُ إِذَا قَضَى أَمْراً فَإِنَّمَا يَقُولُ لَهُ كُن فَيَكُونُ (35) 

Bə Xıdovəndi(boştə fərzənd) peqəte damedəni. əv poke(mığəddəse). ha faxti qıləy ko əncom doey bıpyişe, çoko ki, bıvoti: bıbi, əv həm(rəyrə) bəbe.

Dəvardə proqramədə votemone ki,həzrəte İsa(ə) qofoədə ıştə mo həzrəte Məryəmi(ə) mıdofiyə kardə holədə,ıştənış həm çı Xıdovəndi bandəonku qıləyni elanış karde ki,qıləy ruj bə dınyo omə və iqlə ruj həm çı dınyoku bəşe.

In ayə hamyedə:həzrəte İsa(ə)-i Xıdo fərzənd zınə iyən əy çı bəşərisə bəpe bardə kəson, hədərə sıxanışon kardə.çumçıko Xıdovənd fərzəndi soyb bıeyku mınəzzəh və poke. həzrəte İsa(ə) pı nıbə holədə iyən çı həzrəte Məryəmi(ə) bətniku bə dınyo omey movzu,bə ın məno ni ki,əv çı Xıdo zoəy.zira ehanə Xıdo irodəkəy,hiç qıləy pı-moş nıbə insoni həm bə dınyo vardey bəzıne.çoko ki,həzrəte Odəm(ə)-ış jıqo bə dınyoş vardə.çən,ayə votey bəbe ki,həzrəte Odəm(ə) çı Xıdo zoəy? qıləy holədə ki, əv həm çı Xıdo bandəonku qıləyniye.

Çın ayəku umutedəmon:

1-Xıdovənd mıtləğə ğadire iyən xılğətədə bə hiç qıləy təbiiyə səbəbon ehtiyocış ni.

2-əhle-kitobi inhirofiyə əğedəon mığobilədə,bəbe cəhdkəy iyən səhihə ro nışon bıdəy. lağeyd mandey cayiz iyən çok ni.

وَإِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُّسْتَقِيمٌ (36) 

Və həyğətən, Xıdovənd çımı iyən şımə pərvərdıqore. çən, (fəğət) əy pərəstışkənən. ım həmonə rostə roye.

In ayədə həzrəte İsa(ə)-i deştə zıvoni ıştəni təğdım kardedə və voteydə:az Xıdo bandəm iyən çımı və şımə pərvərdıqor iqləy ki,əv həm həmonə Allah və Xıdoe. çən, şımə hən çımı ğəzinə fəğət bəy ibodətkənən və cokəson bo əy şərik ğərol bədənən. ehanə jıqo bıkoyn şımə sıratəl-mustəğimədə ğərol bəqətiyon.

Çın ayəku umutedəmon:

1-“Təslisi” se qılə Xıdo əğedə ki,qırd xaçpərəston əy ğəbul kardedən,Xıdo bandəçəti rostə royku inhirof bıeye.

2-ibodət iyən pərəstış,fəğət bə hestemoni Xalığ bıə pərvərdıqori məxsuse və co kəson harçənd Xıdo peyğombər həm bıbon,əvoni pərəstış kardey nibəbe.

فَاخْتَلَفَ الْأَحْزَابُ مِن بَيْنِهِمْ فَوَيْلٌ لِّلَّذِينَ كَفَرُوا مِن مَّشْهَدِ يَوْمٍ عَظِيمٍ (37) 

(Xaçpərəston)Fırğəon ıştə miyono bə ixtilof dıço bin. çən, vay bə kofir bıə kəson(holi). qıləy ruj ki, bəbe əyo hozzı bıbon.

أَسْمِعْ بِهِمْ وَأَبْصِرْ يَوْمَ يَأْتُونَنَا لَكِنِ الظَّالِمُونَ الْيَوْمَ فِي ضَلَالٍ مُّبِينٍ (38)

Bəçəmə tərəf omə ruji əvon çı ğəşənq əməs(bəbeyn) iyən çı ğəşənq bəvindeyn. əmmo sıtəmkoron ımruj oşkoə zəlolətədən.

In ayəon bə həzrəte İsa(ə)-i barədə xristiyanon mıxtəlifə fırğə iyən məzhəbon bıə ixtilofon işorə kardedə və hamyedə:əvon bə təfrığə və coəti dıço bıən və ha qıləy dastə həzrəte İsa(ə)-i barədə qıləy çi voteydən. əmmo ğıyoməti ruji əvon həmmə bəştə əğedəon botıl bıey şəhodət bədon. əvon ki, ımruj jıqo zəlolət və inhirofədən, ğıyoməti ruji həni hiç qıləy foydəş nibəbe boəvon.həmonə ruji qırd inodkorətiyon bə kəno noey bəbe və çəvon çəş iyən quşon həxı bəvindeyn iyən bəməseyn iyən əy etırof bəkayn.

Çın ayəonku umutedəmon:

1-bə ilahi dinon zərəl jıə çiyonku qıləyni,məzhəbiyə ixtilofon və fırğəon ziyod bıeye ki, ım ıştən bə peyğombəron təlimon qıləy yolə zılme.

2-cəhdəkəmon ğıyoməti ruji məhkəmə bənav,həmınə bın dınyoədə ıştə çəş iyən quşon ojkəmon və həxı ğəbulkəmon iyən bın royədə sabit ğədəm bımandəmon.

وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ (39) 

Və əvoni de həsrət və peşmonəti ruji bıtorson.bə zəmon ki,qırd çiyon oxo bərəse. qıləy holədə ki,əvon ğəflətədən iyən imon vardedənin.

إِنَّا نَحْنُ نَرِثُ الْأَرْضَ وَمَنْ عَلَيْهَا وَإِلَيْنَا يُرْجَعُونَ (40) 

Fəğət əmə bə zəmin iyən bəçəy əhli varis bəbemon.və qırd bəçəmə tərəf obəqardeyn.

Çı Məryəmi surə həzrəte İsa(ə)-i iyən çın ilahi yolə peyğombəri barədə bıə inhirofə əğedəon barədə bıə çın baxşi oxoyədə,ın ayəon sıftədə bə islomi-peyğombəri(s) xitob kardə holədə hamyedə ki,bə əhle-kitobi xəbərdorəti bıdə ki,ğıyoməti ruj çı həsrəti ruje. zira həmonə ruj  bo oqardey qıləy ro ni iyən həni ilahi hukm sadir bıə. çən, ısət bəbe əvon çı ğəfləti haniku oğo bıbon və bızınon ki,əvon çın dınyoku bəşeyn iyən fəğət Xıdo bəmande.

Çın ayəonku umutedəmon:

1-çəmə dınyoədə bıə ğəfləton,bəçəmə ğıyoməti ruji həsrət hardey boyis bıə amilonkue.

2-dınyo mol, sərvət iyən ğudrət qırd ımon faniye. çən,ımon bəbe bəçəmə ğəflət iyən məğrurəti boyis nıbu.