Ərbəyini əbədi mandey sırr

Ərbəyini əbədi mandey sırr

Ərbəyini ruj Kərbəlo bə həddı-buluğ rəseydə.şəhidi xuni bə cuş ome,çı sıtəmi rəğ-rişəş lorzıne və çı etırozon tufon de Zeynəbi(s) fəryodi bino be və çı Bəni-uməyyə ğəsovət iyən cinoyəton binaş sısıt və zəyifış karde.çıl ruje ki,yəzid ğərəz rısvoyçəti co çiş nıvinde və sıvoy bə astə nıştə fəryodi co çiş nıməse.çıl ruje ki,istibdod norohəte və həx çı doğ vində hırdənon iyən ğəmqinə jenon simadə təcəlliş pəydu kardə.

Ərbəyine.kərvon bə məğsəd rəsə və Zeynəb(s) bə Kərbəlo oqardəbe.ijən canqi səhnə ğubor iyən çı niməsutə xeyməonku omə bu iyən xuni bu bə vini rəseydə  və ım həm çı kərvoni əzobon tiki həm ziyod kardedə.əmmo,Zeynəb(s) çı Huseyni(ə) ətrə bu dumo be.əvış pəydu kardeşe və ıştənış bəsə çəy mıtəhhər iyən pokə ğəbisə şodeşe.

Isət çə həmonə buluği zəmone.ısət qıləy bəzr və tumi peqətey zəmone ki,çı Neynəva qamə səhroədə və ğətlqoh zəminədə peşandə bıə.

Aşurəku de tobə Ərbəyini çıl ruje.Zeynəb(s) deştə misliş nıbə ağl iyən şucoəti çı əməviyon ğələbə şinıətiş bə torıxi həmməysə telə məğlubiyyətiş təbdil karde.Ə həzrət çı İmom Huseyn(ə)-I inğılobi pərçəmış jıqo ğoym qətəşe ki,ısət həm ım pərçəm bılındə vıronədə larzedə.Zeynəb(s) çı Aşurəku de tosə Ərbəyini İmom Huseyn(ə)-I həxə mesajış jıqo de barzəvo vanqış je ki,çandə əsr və ğərni bəpeştə çəy otəşinə xutbə çı har qıləy zolımi saray lorzıneydə və dınyo har vırəku çandə milyon həxtələbə insonon bə Kərbəlo sərzəmioni səmt vardedə.

İmom Huseyn(ə)-I ğıyomi əbədi bıey dəlilonku qıləyni,bənə həzrəte Zeynəb(s) iyən İmom Səccod(ə) dıjdə şəxsiyyəton bo ın ilahi ğıyomi mahiyyət və hədəfon məlum kardero bıə dəğiğə tədbiron be.əvon çəy zəmonədə çın ğıyomi mesajışon bə qırd aləmi rosneşone.

Bəni məyyə de mıxtəlif cur şivə formə yavə təblığaton və de bənə şubhə icod kardey iyən şayiə pevolo kardey  roy vositə cəhd kardedəbin ta həyğəton məxfi iyən punhon bımando və bə Kərbəlo hodisə qıləy şubhə dənon və əv çı viro beşo bışo.əmmo,çəvon çı Kərbəlo xuninə hodisə bəpeştə sıftənə rujonədə bıə qırd ım səy və təloşon bə hədər şe və benəticə mande.Əsiron Kərvon bə Kufə şəhri varid beyədə, zohirədə mışohidə bıə çiyon çı yəzidi ləşkəri səbarzəti iyən peyğombər(s)-I xanedani məğlubiyyətiku hikoyət kardedəbe.əmmo,Həzrəte Zeynəb(s) həyoconinə xutbəon qıləy coqlə nəticəş bə əməl varde. Əsiron qıləy holədə bə Kufə daxil bin ki,ubeydullah bin ziyodi suvari iyən piyodə əmniyyət ğıvvon çı şəhri camaati omə və şıə roon ıştə nəzorəti jiyədə oqteydəbin ta çı harcurnə şubhəninə koy vəy bıqəton.co tərəfiku həm çı əməvi hukuməti cər jıə kəson iyən casuson əsiron bə şəhri elon və milləti bəvon təmşo kardero dəvət kardeşone.ubeydullah yəzidi tərəfiku əmrış sıəbe ki,Əhli-Beyt(ə)-I şəhrədə bıqordınon ta ıştə ğudrəti bəvon nışon bıdon.de İmom Huseyn(ə)-I nizə sədə bıə mıborəkə sə bə şəhr daxil beyədə, nəfəson sinonədə həbs be və bə qırd şəhri üıələy sukut hakim be. Jıqo qıləy toykiyə fəzo qıləy şucoətinə fəryod jıə ğəhrəmoni tələb kardedəbe ki,ta millət bəştə boy və çı Əli ibn Əbi Tolıbi(ə) kinəsə co ki bo ın ko vey loyığ be?.