Osmoniyə surəon-232

Osmoniyə surəon-232

Hağğə mıborəkə surə çı Kərimə-Ğıroni şesto-nəvminə mıborəkə surəy,Məkkədə nozil bıə və 52 qılə ayəku iborəte. Kulliyə formaədə çın surə mətləbon çımiku iborəte: ğıyoməti ruj və çəy bə əməl omey kali əlomət və nışonəon,navkonə,məxsusən Ad və Səmud ğovmi,həmçinin firon iyən Lut(ə)-i ğovmi kofiron tale və sərnıvışt,imon vardə kəson tale və ağıbət,həxı təkzibəkəyon telə sərquzəşt və çı Kərimə-Ğıroni əzəmət  iyən peyğombər(s)-i məğami barədə bıə bəhson.....

“Həmonə həxə(ğıyoməti)ruj.çiçe həmonə həxə ruj?və tı çı zınedəş həmonə hətmiyə vağiyə çiçe?(1-3-ə ayəon).

Kərimə-Ğıron çı dınyo oxoyədə vağe bıə hodisəon i baxşi bə təsvir kəşedə.hədəf ıme ki,inson dığğətin bıbu və çın dınyo umri oxoyədə ğıyomət bərpo bəbe ki,qıləy barz və əbədiyə aləme. beşək,ğıyoməti bərpo bıey bənav,mıxtəlifə muhimmə hodisəon bə əməl bome.ısətnə dınyo bəyənde bəqıniye və çın vironə və xərob bıə dınyo sape.qıləy co nuyə dınyo bərpo bəbe. bın zəmon insonon bə axırəti aləmi daxil və varid bəbeyn.

Çın surə ayəon  umumən bo de ğıyoməti ruji təkzib kardə iyən bə Xıdovəndi vığandə rəsulon nıpemandə fəzo iyən sfera mıborizə bardero nozil bıə və çəvon bə ğıyoməti ruji bovə nıkardey bəçəvon ıştən xəsorət iyən suğuti boyis bıey hisob kardedə. təğribən,umum mıfəssır iyən təfsirəvonon çın surə əvvələdə omə “hağğə” kəlmə,bə ğıyoməti ruji təfsirışon kardə.

Səmud ğovm çı Hicoz iyən Şami miyono qıləy bandə vırədə jimon kardedəbin.həzrəte Saleh(ə) çəvon miyono məbus be və əvoni bə həxə roy səmt dəvət kardedəbe.əmmo,əvon hiçvaxti bəy imon nıvardeşone.əvon çəyku tələbışon karde ki,ehanə rost votedəşbu,ıştı bəmə və`də doə əzob bıdə boy əməni dəqəto.bın zəmon qıləy vironəkə avəçəkə çəvon kə və ğəsronış dəqəte və çand ləzə və ani dılədə əvonış məhf karde noşe və çəvon beconə cəsədonış zəminisə noşe.

Ad ğovm həm Ərəbi nimələpək ya Yəməni “Əhğaf”-I sərzəminədə jiyedəbin.çəvon barzo-bılındə ğamət və zumandə əndom hestebe.həmçinin əvon bə obodə şəhron,xımo sahəon və  havz iyən tərovətinə boğon həm malik bin.çəvon peyğombər Hud(ə) be.çəvon tuğyongərəti və harınəti bə vırə rəse ki,oxoyədə Xıdovəndi de qıləy dardnokə əzobi əvonış çı jimoni səyfəku moloşe, pokış karde və çəvon rınəş bırniye.Xıdovəndi sıftədə bəçəvon səmt qıləy sard,sutunə və tındə voş vığande ta çəvon rınə bıpəlo.Xıdovəndi əvış haft şəvo-ruj çəvon sape mısəllətış karde və dəvomış doe.de ayə təbiri ehanə əyo bıəbiş,əvındiş ki,həmonə ğovmi həmmə kəson bənə xımoə do pıxə iyən volo bıə cəmdəki çın tındə vo miyono pelaxtəbin və həlok bıəbin….