Osmoniyə surəon-248

Osmoniyə surəon-248

Muddəssiri mıborəkə surə ayəon dəvomədə handedəmon:”əv,(de Ğıroni mıborizə bardero) fik-fam kardeşe və mətləbonış hozzı karde.maq bıbu bəy ki,çokonə(bo de həxı mıborizəro) mətləbış hozzı karde.ijən maq bıbu bəy ki,çokonə (boştə şəytoniyə nəxşəonro) mətləbış hozzı karde.peşo qıləy nəzəş karde.peşo ıştə diyənonış ekarde və rəyrə de ko məşğul be.peşo(bə həxı) peştış karde və təkəbbır(yoləşətiş) karde.və oxoyədə voteşe ın(Ğıron) bənə navkonəyon cəlbəkə sehrisə co qıləy sehr ni.ım sıvoy inoni sıxani co çi nibəbe”.(18-25). Ayəon çı Ğureyşi məşhurə yolonku qıləyni Vəlid ibn Muğəyrə Məxzumi barədəy.Əv,bə Xıdovəndi bəy əto kardə ziyodə neməton rəğmən,həxı inkor kardedəbe,bə peyğombər(s)-i sehrboz və coduqər votedəbe iyən Kərimə-Ğıroni sehr zınedəbe.torıxədə omə ki,ərəbə mışrikon Həcci mevsumi astanədə”Darun-Nudvədə” cəm bin və çəvon bənə Əbu Cəhl,Əbu Sufyon,Vəlid ibn Muğəyrə,Nəzr bin Haris və sayirə de iyande məşvərət kardeşone ta bahəm və ivrədə de peyğombəri mıborizəkon və bə qıləy mıştərəkə noxtə bırəson.Vəlid çı Məkkə məşhurə şəxs be və mışrikon bəçəy ağl iyən diroyəti etığodışon hestebe.dimış qəte bəvon və voteşe:şımə qıləy ağılmand və barzə nəsəbi soyb bıə millətiyon və ərəbon har tərəfiku bəşmə soyəx omeydən və şıməku mıxtəlifə cəvob məseydən,əve vey çoke ki,əmə ıştə sıxani i bıkəmon və ilqə sıxan bıkəmon...... Peşo dəparseşe:şımə çın merdi(bə peyğombəri(s)-i işorə kardə holədə) həxədə çiç votedon? voteşone:bıvotəmon əv şayire:Vəlidi sıfəöt və çehrə bəyənde qıniye və voteşe:əmə veyə şayir məsəmone,əmmo çəy sıxan bə şeri mandedəni.bəvotemon kahine.voteşe:çəy palu şeyədə bənə kahinon votə sıxanon əyo vindedənimon.bəvotemon səfi və cındoye.voteşe:bəçəy soyəx şeyədə çəyku çı cındoyətiku hiç qıləy əsər-əlomət vindedənimon.bəvotemon sahir və sehrboze.voteşe ki,sehrboz və sahir kom mənoədə? Voteşone ki,ıştə deşmınon və duston miyono qıləy deşmınəti icod kardə kəs.Vəlidi lıski fikış karde və voteşe:bəle,əv sehrboze və jıqo kardedə.ım qıləy holədə ki,cohiliyyəti təfəkkuri məğz və mazq çok-çoki zıneydəbe ki,ım Ğıron nə cıni kəlome və nə çı bəşəri kəlməy.bəlkəm çəy rəğ-rişə zumand,çəy şaxə səmərənin və qıləy mislış nıbə cozibəş heste.Vəlid ıştən nızınə holədə fovğəladə formadə Kərimə-Ğıroni ecoz və mecuzəş mədh və tarifış karde.əv nışonış doe ki,Kərimə-Ğıron jıqo qıləy ecozkorə cozibəş heste ki,har qıləy insoni ğəlbi təsxir kardedəbe və və ım çı Ğıroni ecoz və mecuzə bıey nışon doydə.çıro ki,Kərimə-Ğıroni hiç curnə bə sehrbozon kardə xarul-addə koon şəbohətış ni,bəlkəm qıləy mətin,ğoym və de mənəviyyəti pur bıə kəlome və çəy mislış nıbə nufuz və cozibə anədə ziyod be ki,ehanə bə Vəlid ibn Muğəyrə votey əsos bəşəri sıxan bıəbe,cokəson həm bəpe əvon bənə əy qıləy kitobışon vardəbe.qıləy holədə ki,Kərimə-Ğıron çandə kərə əvonış bo mığobilə və mıborizə dəvətş kardə və çı islomi vey yavə deşmınonku har qıləyni ki,ərəbi zıvonədə fovğəladə məhorətış bıə,bənə Kərimə-Ğıroni surəon qıləy surəşon vardey zınəni və ım çı Kərimə-Ğıroni həmonə mecuzəti nışon doydə. Muddəsiri mıborəkə surə seqlə ayədə ğəssəm mevcude.32-34-ə ayəon de bə Ovşımi,Şəvi və sıbi zəmoni ğəssəm hardedə və çın təzahuron mırəkkəbəti sırron bə yod dənoydə ki,çı təbyəti dınyo elmi sırron və ilahi ğudrət və tohidi nışonəonkuye.ım ğəssəmon bə ın muhimmə əsl və prinsipon işorə kardedə ki,çı qırd insonon con çəvon əməlonədəy.əvon ki,pok və çokə əməlışon heste,əvon çı yəmini əshobon cuzikuye ki,çəvon nameye-əmal bəçəvon imon iyən təğva dəlili xoto,bəçəvon rostə dasti doey bəbe.əvon çı imon iyən salehə əməli şua jiyədə,çı əsorəti zəncironışon darıştə və behisobə formaədə bə vəhışti daxil bəbeyn. Muddəsiri mıborəkə surə ayəonku ibaxş bə yəmini əshobi iyən bəçəvon tərəf mığobili şərhe-holi işorə kardedə və hamyedə:”əvon çı vəhışti boğonədən və çı mucrimon(qınokoronku) sıvol bəkardeyn ki,kon çi şımənış bə cəhəndımi vaid kardəşe?”.mucrimon bə çın sıvoli cəvobədə bəştə qıno etırof kardedə.sıftədə hamyedə ki,əmə çı nımojəvotonku nıbimon.ehanə nımojımon votəbe,nımoj Xıdo bəçəmə yod dəğandedə və nəhy əz fəhşo iyən munkər kardedə və əməni bə ilahi sıratəl mustəğimi səmt dəvət kardedə. Coqləyni ıme ki,”Əmə bə ehtiyocinə fərdon təam(hardemon) doydənıbimon.bə msikini itam və xorək doey harçənd bə ehtiyocin və məhrumə fərdon hardemon doey mənoədəy,əmmo zohirən çəyku məğsəd bə həmonə fərdon harcurnə zəruri komək kardey mənoədəy,ısət çı hardemon, tankardemon və məskəni muşkilon bıbu və məğsəd həm vocibi zəkote.çıro ki,mustəhəbbə infoğ iyən baxşeşon tərk kardey,bə cəhəndımi daxil bıey bosis nibəbe.cəhəndımi əhl bəvoteyn:”və dayima de botıli əhli həmnışin və həmsədo bimon və hejo cəzo ruji inkor kardedəbimon ta qıləy zəmon ki,çəmə çəmə maqi zəmon ome rəse”.