Osmoniyə surəon-250

Osmoniyə surəon-250

Ğıyoməti mıborəkə surə 5-ə şərifə ayə bə insoni ruf iyən vijdoni xitob kardedə və de bə miodi inkor kardey həyğiyə illət və səbəbon işorə kardey,hamyedə:insoni miadədə qıləy şəkkış ni, bəlkəm çəy dılış heste de inkori roy vositə,bo harcurnə həvəsbozəti,zılm iyən qıno ozod bıbu ta de ın roy vositə həm ıştə vijdoni duyədə siko və həmən Xıdo xılğəti mığobilədə hiç qıləy məsuliyyəti ğəbul nıko.kulliyə surətədə Kərimə-Ğıroni ayəon insoni se nev nəfsi zikr kardedə.

”Nəfsul-əmmarə” yəni tuğyongərə nəfs ki,hejo insoni bə yavə və bevəci səmt dəvət kardedə və şəhəvat  və fucur çəy mığobilədə ziynət baxşko.”Nəfsul-Ləvvamə” ki,oğoə ruf iyən nisbətən aqahe ki,hələm çı qıno və mə`siyəti mığobilədə əmonədə ni və qahi vaxti həm fırsiyedə və bə qıno tori eqınieydə.əmmo,peşo oğo bedə və bəştə omeydə və tobə kardedə.ın həmonə çiye ki,əy de “əxloği vijdoni”nomi zikr kardedən.seminə qıləyni “Nəfsul-Mutməinnə” nomış heste.yəni rufi təkamulış pəydu kardə və bə itminan və peştıpurəti mərhələ rəsə.əy ıştə tuğyongərə nəfsış ram kardəşe və bə qıləy komilə təğva məğami rəsə iyən məsuliyyət hiss kardedə və de hostonə formə fırsiyedəni.

Əmmo,”Nəfsul-Ləvvamə” çı insoni coni daxilədə həmonə qədə məhkəməy ki,bə ğıyoməti ruji məhkəmə veyə şəbohətış heste və bənə əye.min cumlə ğazi,şoyd iyən icroəkə iyo iqləyniye, çoko ki,ğıyoməti ruji həm jıləvoniye.vijdoni məhkəmədə bəşəri miyono rayic bıə tovsiyə,rışvə və sənəd hozzı kardey ğəbul bıənin ni.çoko ki,ğıyoməti ruji məhkəmədə həm omə ki,bə hiçkəsi çı cokəsi vırədə cəzo nibədoon,nə qıləy şəfoət nə fidyə və nə rışvə ğəbul bıənin ni və bə hiçkəsi komək nibəbe.

Vijdoni məhkəmə həmməysə vey muhimmə sənəd və dosyeon qıləy kırtə mıddət və zəmonədə bəvon bərəse və oxonə hukmi sadir bəkarde.çoko ki,ğıyoməti ruji məhkəmədə həm hande dəmon:”...Xıdovənd hukm bəkarde və çəy hukm rədd nibəbe və çəy hisob vey surətine”.(R`əd-41).

Vijdoni məhkəmə bə qıləy nəzorətəkə və şoydon ehtiyoc nıbə holədə,mıttəhəmə insoni aqahətiyon bəçəy nəf ya ziyoni ğəbul kardedə.ğıyoməti ruji məhkəmədə həm insoni vucudi zərrəon və hətto çəy dast,lınq iyən bədəmi pust bəçəy əməlon ələyh şoydəti bəkardeyn.çoko ki, Xıdovənde-Xalığ hamyedə:”çun,bə cəhəndımi otəşi kəno rəsin çəvon quş,çəş iyən bədəmi pust bəçəvon zidd şoydəti bəkarde”.(Fussilət-20).....

Vijdoni de ğıyoməti ruji əcibə formaədə bıə bəyənde mande və şəbohət,bə miadi məsələ fitri iyən ğəti bıey qıləy co nışonəy.ayəon dəvomədə bə ın sıvoli cəvob dodyə ki,ğıyoməti ruj kon ruje? sıftədə bə ğıyoməti ruji bənav bıə hodiəon yəni dınyoədə bıə bə dıjdə hodisəon işorə kardey lozıme ki,həmonə ruji qırd dınyo nizom iyən sistem vırto-volo bəbe.joqo ki, hamyedə: ”(qıləy ruj ki,)həmonə ruji çəşon bə vəhşəti şiddəti xoto,bə qardış bome və ovşım benur bəbe və həşi iyən ovşım bə ico cəm bəbeyn”.(7-9).

Həşi de Ovşımi bə ivrə cəm bıey barədə ım ehtımol mevcude ki,Ovşımə tədricən bə həşi cozibə təsiri ji dəbəşe,bəy nez bəbe və oxoyədə bəçəy səmt cəzb bəbe və cəm bəbeyn və har dıqləyni benur bəbeyn.nəticədə zəmini kurə bə qıləy vəhşətnok iyən dəhşətinə zılmət iyən toykiyəti dıço bəbe.

De ın tərtibi de qıləy dıjdə inğılob iyən əvəz bıey(ki,çı sıftənə nəfxə və pu kardey nəticəy)ısətnə dınyo bə oxo bərəse.peşo de qıləy co dıjdə təhəvvuli(de dıminə suri pu kardey)çı insonon ijən sənibəton bəyji bıey proses bino bəbe.həmonə ruji ğıyoməti ruji inkor kardə və bə həşə jıə kofir iyən qınokorə fərdon,bəştə tarsi və vəhşəti şiddəti xoto,dumo qıləy pənohqo bəbeyn və bə qıno sanqinəti iyən əzobi tarsi xoto,vitey iyən fərol kardey fikədən.əmmo,bəvon votey bəbe:”hiçvəxti jıləvoni ni,fəroli roy iyən qıləy pənohqo mevcud ni.həmonə ruji oxonə ğərolqo fəğət bəştı pərvərdıqori səmte.bə ruji insonon ıştə bənav vığandə qırd koonku