Osmoniyə surəon-253

Osmoniyə surəon-253

Əli(ə),Fatimə(s) və çəvon xıdmətkor bıə Fizzə nəzrışon karde se ruj bqəteyn tayinki,əvon şifo pəydukon.tikəy nıdəvarde ki,əvon hardıqləyni şifoşon pəydu karde.qıləy holədə ki,kə xıyzon azuğə cəhəto tanqə vəzyətışon hestebe,əve Əli(ə)i mığdor cəvış ğarzı karde və həzrəte Fatimə(s) həm çəy sedə i hissəş ordə karde və bo iftori nunış pate.əmmo,iftori zəmonədə qıləy fəğır ome və voteşe:”səlom bıbu bəşmə ha Muhəmmədi xıyzon ha! mı çı mısılmınon beçizə qıləynim,bəmı qıləy xorək bıdənən”. Əvon həmməkəs həmonə miskin və beçizışon ıştəsə mığəddəm və bənavışon zıne və ıştə xorəki səhmışon bəy doşone və şəv fəğət ovışon harde. Dıminə ruji ijən rujəşon qəte və iftori vaxti hozzı kardə bıə xorəkışon bəçəvon kə omə bə qıləy yətimi baxşışon karde,doşone və ijən de ovi iftorışon karde.peşonə ruji əvon ijən rujəşon qəte və seminə ruji həm həşi ğurubi vaxti bəçəvon kə qıləy əsir ome.əvon ijən ıştə xorəki səhmışon bəy əto kardeşone,doşone.sıbh bıə zəmonədə Əli(ə) Həsən(ə) iyən Huseyn(ə)-i dastonışon qəte və bə peyğombər(s)-i xıdmət rəseyədə,ə həzrəti mışohidəş karde ki,əvon bə vəşyanəti şiddəti xoto, larzedən.əve hamyeşe:”şımədə çımı vində hol,bomı vey qone”.peşo əyşte bəsə səpo və deəvon bə ico hərəkətış karde tayinki,bə kə daxil bin.vindeşe ki,Fatimə(s) ibodəti mehrobədə mandəbe və bə vəşyanəti şiddəti xoto,çəu luz bəçəy peşti dəçıkəbe və çəy çəşon bə dılə dəşəbe. peyğombər(s) vey norohət be və bın zəmon Cəbrəyil(ə) nozil be və voteşe:Ha Muhəmməd ha! Xıdovənd bə jıqo qıləy xanedani xoto,bətı təbrik votedə”.peşo Həl əta surə çı Əhli-Beyt(ə)-i təclil və ğədrdonəti həxədə boəy ğiroət kardeşe,handeşe”. ..

Çun,çı Kərimə-Ğıroni kulliyə hədəf insonon bə kəmolaton səmt hidoyəte,əve bın surədə de qıləy bəyoni Xdıovəndi bə çokə ko soybon doə mıkofoti və çəvon boçi jıqo qıləy ləyoğəti ğəbul kardey oşko kardedə ta qıləy ulqu nışon doey iyən bəy ehtırom noey,milləti bə əbrar iyən ləyoğətinə insonon roy səmt dim qətey omutedə.ayəon bəşorət doydə ki,əbrar və çokə ko soybon ilahi vəhıştədə qıləy xoşə ətrə bu doə cam və piyoləku pebəşomeyn və bə Xido məxsusə bandəon həmonə sərçeşməonku bəhrə bardey nəsib bəbe və əvon havaxti irodəkon har vırəku bo əvon həmonə çeşməon bə cuş bome.ayəon bə jıqo qıləy neməton və məğamon rəsey illət və səbəbi jıqo şərh kardedə:”əvon bəştə nəzri bəfo kardedən və şər iyən əzobış hevuj bıə rujiku tarsedən və (ıştə) xorəki deməkə ki,ıştən həm pidəşone(və bəy ehtiyocişon heste)bə miskin,yətim iyən əsiri doydən”.(7-8) ın ayəon.ın ayəon behəddə formadə nışon doydə və bə yod dənoydə ki,itam kardey və xorək doey,dırıst ıştənən çəvon bəy ehtiyoci bıə holədə və co tərəfiku qıləy hevujə itam ki,çandə nev be ehtiyocinə şəxson min cumlə miskin,yətim və əsir həm bəy şomil bedə.ayə bəyon kardedə ki,çə həmonə əməlonku vey çokə qıləyni,bə ehtiyocin iyən məhrumə şəxson itam və xorək doeye.ısət nəyinki,mısılmonə ehtiyocinə şəxson,bəlkəm ım islomi ğanun bə şırki məmləkəton odəmon həm şomil bedə və itam kardey çı vey çok və ləyoğətinə koonku bə hisob omeydə. Əbrar və çokə insonon ıştə əməlon de ixlos və pokəti bə vırə rosnedən və votedən:”əmə bəşmə fəğət bə Xıdo xoto,itam doydəmon və hiç qıləy mıkofot və təşəkkur şıməku piyedəmon ni.əmə ıştə pərvərdıqoriku,çə rujiku ki,vey mudhiş və saxte,tarsedəmon”.(9-10).bın zəmon Kərimə-Ğıron çın surə 11-ə ayəku de tobə 22-ə şərifə ayəon bəqlə dınyoədə bo təğvaninə şəxson və çokə ko soybon hozzı kardə bıə neməton aşmardedə və bəyon kardedə......