Osmoniyə surəon-273
Osmoniyə surəon-273
Ğaşiyə mıborəkə surə Kərimə-Ğıroni həşto həştminə mıborəkə surəy.ın surə Məkkədə nozil bıə və 26 qılə ayəku iborəte.ın surə ki,Məkki surəonkuye,bə dini islomi seqlə prinsipi yəni bə tohid, miad iyən nıbuvvəti əsos təkid kardedə.həmçinin bın surədə ğıyoməti ruji hol-əhvol və vəsf,ilahi neməton hisob kardey,ğıyoməti ruji dıqlə bəyənde zidd bıə dastə insonon,tohid və Xıdovəndi ğudrət iyən əzəməti nışonəon,peyğombəron vəzifə və həddon iyən çəvon hidoyəti koyədə bıə rolon və sayirə bəhson bın surədə bəhs bıə.
Surə sıftədə ğıyoməti ruji coqlə nomon barədə sıxan votedə ki,Ğaşiyə nom həm bəçəy xotoye ki,bə bın surə noey bıə.joqo ki,hamyedə:”aya Ğaşiyə daston bəşmə ome rəse?”.
Ğaşiyə “Ğəşavə” maddəku çı puşney mənoədəy.çın nomi bo ğıyoməti vıjniye,bəçəy xotoye ki, həmonə ruji dəhşətinə hodisəon həmmə kəs iyən həmmə çiyon dəbəqəte və bəpuşne.ayəon de ın çəşnavi doə mesaji ğıyoməti ruji çı mucrim iyən qınokoron hol-əhvoli bəyon kardedə və həmonə ruji dıqlə tafutinə çehrə bə təsvir kəşedə.iminə dastə çehrədə zıllət və xarəti oşko bəbe. həmonə ruji dıjdə əzobi tars və zıllət çəvon vucudi dəbəqəte və çun,çı insoni rufi holət həmmə vırəsə vey çəy dimədə munəkis və oşko bəbe,ım xof,zıllət və vəhşət çəy qırd çehrədə mışohidə bəbe.əvon əkəsonin ki,dınyo jimonədə ziyodə səy və cəhdışon kardə,əmmo ğərəz sıstəti bəvon hiç qıləy foydəş nəsib bıəni.nə çəvon imon iyən əməlon Xıdo dərqoyədə ğəbul bıəə və nə çəvon qırd kardə vol-devlət və sərvətiku əvon qıləy çi bardey ğudrətışon bəbe.əvon ıştə bəpeştə hiç qıləy çokə nomışon noəni və çəvon qıləy xeyə əməlışon bıə.çən,əvon bənə qıləy oqıniyə və bədbəxtə zəhməştkeşonin.nəhoyətən,ım fərdon bə cəhəndımi sutunə otəşi varid bəbeyn və bəsuteyn.əmmo,çəvon cəzo demi həm niobərəxe,bəlkəm əvon bə otəşi hərorəti təsiri xoto,təşnə bəbeyn və bəvon vey tatə honiyonku beşə ovonku bəvon pebəşovneyn”.
De ayəon təbiri ım zılləti dılədə bıə çehrəon ki,bın dınyoədə çandə nev ləzzətin,ruyənin iyən şinə xorəkon de zılm,nohəxə roy iyən bə cokəson həxon rioyət nıkardə holədə hozzışon kardə və icozəşon doəni fəğır iyən ehtiyocinə şəxson jıqo xorək və hardemoniku oko bıdon.”əyo ğərəz Zəri`yi(bevəcə bu doə və telə hışkə teğ) co çi ni.qıləy xorək ki,nə əvoni kok bəkarde və nə əvoni çı vəşyanətiku ozod bəkarde.(6-7-ə ayəon)....
Əmmo coqləyni dastə ğıyoməti ruji bə zıllət və ğəmqinəti dılədə ğərğ bıə kəson əks,qıləy tərovətin iyən şoyə çehrəş bəbe.joqo ki,hamyedə:”əvon ıştə səy iyən cəhonku (dınyodə) şoyvonəti kardedən”.(9).votemone ki,cəhəndımi əhl ıştə cəhdonku ğərəz sıstəti iyən əziyyəti co qıləy bəhrə nibəbardeyn.və holınki,vəhışti əhl ıştə dınyoədə bıə səy və cəhdon nəticə de vey çokə formə mışohidə bəkardeyn və əvon komilə surətədə rozi iyən xoşholin.qıləy cəhdon ki, Xıdo lutfi şua jiyədə çəvon mıkofaton qahi vaxti da ya veyə həcmədə ziyod bəbe və qahi zəmon həm əvon de Xıdovəndi behisobə ehsoni dim bə dim bomeyn.çokə ko soybon “aliyə vəhıştədə vırəşon heste”. və “əvon əyo hiç qıləy ləğvo-ləhib və bihudə sıxan nibəməseyn”.(10-11). beşək, jıqo qıləy muhit orombaxş və bə dıli nıştedə..ehanə səhihə formaədə fikkəmon ki,dınyo jimoni umdə ibaxş,çı bihudə və bə insonon ruf iyən coni əzob-əziyyəti və sosyal nizomon bəyənde jıey və həmçinin bə fitnəon otəşi şuləvər bıey boyis bıə sıxanon məseyku norohətçiyətiye....
