Osmoniyə surəon-282

Osmoniyə surəon-282

Kərimə-Ğıroni İnşirahi mıborəkə surə Məkki surəonkuye.ım surə çı Kərimə-Ğıroni nəve çominə surəy.İnşirah hevujəti mənoədəy və ın surə 8 qılə ayəku iborəte.

İnşirahi mıborəkə surə Xıdovəndi bə Peyğombəre-Əkrəm(s)-i əto kardə mənəvi neməton i hissə aşmardedə.ın surə umdətən bə seqlə mehvər və məzmuni əsose:Xıdovəndi bə peyğombər(s)-i əto kardə neməton bəyon,bə peyğombər(s)-i vəomədə çəy dəvəti muşkilaton bərtərəf bıey nəzəku bıə bəşorət və bə vohidə Xıdovəndi dığğət kardey və bə ibodət iyən sıtoyişi səmt tərğib və təşviğ kardey.  

“Aya əmə ıştı sinəmon oj(hevuj)nıkarde? Və aya sanqinə bo ıştıku penıqətemone?”(1-2).

Qıləy hədisədə omə ki,peyğombər(s) hamyeşe:”mı Xıdovəndiku qıləy tələbım karde və pidəmbe ın tələbi nıkom.ərzım karde:Xıdolim ha! çı vo iyən kuluki cərəyonı çımı bənav bıə kali peyğombəron ixtiyorədə ğərolı doə  və çəvon kali qıləyni bımyon bəyji kardedəbin”.Xıdovəndi bəmı hamyeşe:”aya tı yətim nıbiş  əmə bətı pənohımon doe? Votıme:bəle! hamyeşe:aya tı qim bıənibiş az bətı roş nışon doe?ərzım karde:ço.hamyeşe:aya ıştı sinəmon hevuj iyən ıştı peşti bomon sıvık nıkarde?ərzım karde:bəle.pərvərdıqor ha!....

İnşirahi mıborəkə surə Peyğombəre-Əkrəm(s)-ibesəti sıftənə sorədə nozil bıə.de peyğombər(s)-i tohidi dəvəti iblağ və rosney,de Məkkə mışrikon tərəfiku bıə mıxtəlifə mıxolifon iyən pojənitiyon dimbədim ome.çın mıxolifon həcm anədə ziyod be ki,peyğombər(s) həm bə ın fiki dəşe ki, məbodə kardey nızıno ım sanqinə məsuliyyəti jiyku omey və ım vəzifə bə oxo rosney nızıno. həlbəttə,həmmə peyğombəron ıştə dəvəti sıftədə de jıqo dıjdə muşkilot və problemon dimbədim omeydəbin və ə həzrəton fəğət de ilahi mədəd və koməkon bə qırd ım saxtiyon səbarz omin. əmmo,islomi peyğombər(s)-i  zəmon iyən muhiti şərayit qıləy cəhətiku vey sanqin iyən saxt be.

Xıdovənde-Xalığ İnşirahi mıborəkə surədə bə peyğombər(s)-i ım norohətçəti cəvob doydə və hamyedə:bənə Xıdo royədə dini təblığ kardey xoto bıə bə hədəfi rəseyro bıə bə saxtiyon təhəmmul kardey iyən tov vardey,hiçvaxti benəticə mandedəni.zira,Xıdo sınnət və adətonku qıləyni çı har qıləy muşkilot iyən saxtiyon dılədə,qıləy hevujəti ğərol doydə.bın mənoədə ki,qıləy zəmon ki,inson bəştə mığəddəsə hədəfi xoto,bə ziyodə məşəğğət və zəhməti eqıniyedə, həmonə saxtiyon,nuyə zəminəon iyən imkonaton bo insoni ruşd iyən inkişofiro bə vucud vardedə ki,çəy bənav mevcud bıəni.bəçəy xoto,bəpe çı muşkilot və problemonku nıtarso,bəpe hətto bəçəy vəy həm beşey lozıme.....

Peyğombər(s)-i ıştə risoləti bədiqə,Xıdovəndi bəy əto kardə neməton iyən məxsusə himoyətonku bəhrə bardey,bənə qıləy sıxan kardə nımunə və şoydi nışon doydə ki,bə saxtiyon iyən muşkilaton fəğət çəy mənfi və neqativə cəhətonku nəzə kardey lozım ni,bəlkəm bəpe bə ın həyğəton dığğət kardey lozıme ki,har qıləy saxti,jimonədə qıləy nuyə ufuğon oj bıey amile və muvəffəğətiyon zəminəon hozzı kardedə.ım həmonə çiye ki,peşonə ayə bəy təkid kardə holədə ımi bəyon və elon kardedə.joqo ki,hamyedə:”beşək,de har qıləy saxti,hevujəti iyən hostonətiye”.(fəinnə mə`ə...)....

İnşirahi mıborəkə surə 4-ə şərifə ayə Xıdovəndi bə Peyğombər(s)-i əto kardə nemətonku qıləyni çəy nomi barz zikr kardeye.deməkə ki,islomi deşmınon bəçəy ələyh hiyləon və bədxahətiyonışon karde,əmmo ımruj çı həzrəte Muhəməd(s)-i nom,islomi iyən Ğıroni barzə sədo həmmə vırədə pevolo bedə.ısət Xıdo-Rəsul(s)-i nom çı Xıdo nomi kəno haruj sıb iyən şəvədə de muəzzinon vositə və əzoni zəmonədə kəşey bedə və çı Xıdovəndi tohid iyən vohidəti kəno bə ə həzrəti risoləti şəhodət doey,islomi nışonə və həmonə pokə ayini ğəbuli dəlile.

Peyğombəre-Əkrəm(s)-i omə rəsə qıləy rəvoyətədə çın ayə təfsirədə handedəmon:Cəbrəyili bəmı voteşe:Xıdovənde-Mutəal hamyedə:ıştı məğami əzəməti həxədə hejo ım vəse ki,çımı nom zikr kardə bıə zəmonədə,ıştı nom həm deçımı nomi bə ico kəşey bedə”.