Osmoniyə surəon-286

Osmoniyə surəon-286

Məşhurə mıfəssır iyən təfsirəvon Təbərsi”Məcməul-Bəyan”-ədə  nəğl kardedə ki,Xıdo-Rəsul(s) bə Xədicə(s) hamyeşe:”az,coyli beyədə qıləy sədo məsedəm”(və mı norohətim).Xədicə(s) ərzış karde:Xıdovənd ğərəz xəy ıştı barədə qıləy co ko nibəkarde.çıro ki,bə Xıdo ğəssəm tı bə əmonəti ədo kardedəş,sileyi-rəhmi bə vırə rsonedəş,sıxan voteyədə rostəıvıjiş”.

Xədicə(s) votedə:çın macəra  bədiqə az,çı (ərəbi aqahə şəxsonku iyən Xədicə(s) amuyəzo bıə) Vərəğə bin Nofəli palu şim və  Xıdo-Rəsul(s)-i vində çiyonım boəy bəyonım karde.Vərəğə voteşe:bəşorət bıbu bətı,ijən bəşorət bıbu bətı.mı bətı şəhodət doydəm ki,tı həmonə kəsiş ki,İsa bin Məryəmi mıjdəvoniş doəbe.və tı bənə Mosə(ə)-i şəryətı heste,tı vıağndə bıə peyğombəriş və rəyrə çımi bədiqə bo cihod kardey məmur bəbeyş və az həmonə ruji dərkkom,ıştı kənoyədə cihod bəkardem”.....

Ələği mıborəkə surə ayəonku i ğısmət bə nunku iyən noşukrə insonon xısusiyyəon işorə kardedə.ıştəni be ehtiyoc vində iyən tuğyon kardə kəson.ım çı əksər insonon xısusiyyət və xısləte.və əkəson təbyət ki,ağl iyən vəhyi məktəbədə perəsənin.liza,qıləy zəmon səhfən ıştəni Xıdoku be ehtiyoc fikko,bino bəkarde bo tuğyongərəti iyən yoləşəxəti kardey.əvon nə bo Xıdo bandəçəti kardedən və nə bəçəy hukmon əməl kardedən.əvon bəştə vojdoni sədo quş doydənin və bə həx iyən ədoləti rioyət kardedənin.ın ayəon bə peyğombər(s)-i yod dənoydə ki,tı çəş məkə ki,millət dərhol iyən rəyrə ıştı dəvəti ğəbul bəkardeyn,bəlkəm bəpe tı ıştəni bo inkorəkə və yoləşəxə zolımon mıxolifəti hozzıkə və bızın ki,tıni vədə de etat-petati pur bıə qıləy ro çəş kardedə.

Ələği mıborəkə surə ayəon dəvomədə bə məğrurə tuğyongəron koonku i ğısməti işorə kardedə ki,bə həxə royədə hərəkət kardə kəson iyən təğva.seyrı-suluk və hidoyəti ro şıə kəson mane beydən.çın surə 9-ə ayəku de tosə 19-ə ayəonədə bə nımoji mane bıə kəson işorə kardedə. rəvoyətədə omə ki,qıləy ruj Əbu Cəhl(bəştə ətrofiş)vote:roste ki,Muhəmməd ıştə surət və dimi bəsə tulisə noydə?voteşone:bəle.voteşe:ğəssəm bəy ki,bəpe bəy ğəssəm hardey bıbu.ehanə əy bıvindəmon ki,jıqo kardedə,bəçəy sə və gərdəni ləğə bəjemon.bın zəmon qıləy şəxsi vanqış je ki,Muhəmməd nımoj votedə.Əbu Cəhl bənav dəşe ta (bəştə xəyoli əsos) deştə lınqi bıku bə Xıdo-Rəsuli(s) gi-qərdəni.lıski nıdəvarde ki,bə dumo pekıre.qıləy holədə ki,ıştə dastonış ıştə dimi mığobilədə qəte və voteşe:ğəflətən ıştə deçəy miyono de otəşi pur bıə qıləy xəndəxım vinde və həmçinin kəş-pəronım mışohidə karde.iyo peyğombər(s)-i hamyeşe:ğəssəm bə kəsi ki, çımı con çəy dastədəy.əgər bəmı nez bıəbe,Xıdo məlayikon çəy bədəmi tikə-tikə əkəyn və çəy bədəmi uzvon əbardin.

Kərimə-Ğıron de qıləy şiddətinə ton və ləhni bət pand dopydə ki,aya zınedyənin ki,Xıdovənde-Xalığ (əy) vindedə? Ayəon dəvomədə həmonə xətokor iyən tuğyongərə fərdi de şiddətinə formə  təhdid kardedə və bə Xıdo-Rəsuli(s) de bə səjdə,ibodət iyən bə Xıdo nezəti əmri bəy təsəlli iyən dılvandi doydə.Ələği mıborəkə surə Kərimə-Ğıroni çoqlə surəonku qıləyniye ki,bəvədə vocibə səjdə heste.....