Osmoniyə surəon-288

Osmoniyə surəon-288

Bəyyinə mıborkə surə Kərimə-Ğıroni nəve həştminə surəy,Mədinədə nozil bıə və 8 qılə ayəku iborəte.Bəyyinə ruşin iyən oşko mənoədəy.

In surə bə Peyğombəre-Əkrəmi(s)-i qlobal risoləti və çəy de ruşinə dəlil iyən nışonəon bə ico bıey ko işorə kardedə.Xıdo-Rəsul(s)-i umumi risolət və missiyə bo həmmə məxloğati bıey,nımoji iğomə və bərpo kardey iyən zəkoti pərdaxt kardey və doey,peyğombəron dəvəti bənə imon, tohid,nımoj iyən rujə bıə usuli sabit bıey,əhle-kitob iyən mışrikon çı islomi mığobilədə mevğıyyət qətey və mıxolifət kardey,həmməysə çok iyən həmməysə bədə məxloğati elon kardey,çın surə əsliyə mevzuon təşkil doydə.....

İslomi peyğombər(s)-i zuhuri bənav,əhli-kitobiku bıə kofiron iyən mışrikon votedəbin ki,ehanə de ruşinə dəlilon qıləy peyğombər boəvon booy iyən de erjinə nıvştəyon pur bıə qıləy pok iyən ğoymə səyfə boəvon nozil bıbu,əvon həm ıştə de şırki umuj qıniyə ayiniku dast bəkəşeyn və həmonə omə dini ğəbul bəkardeyn.əmmo,həzrəte Muhəmməd(s)-i zuhuri iyən osmoniyə kitob Kərimə-Ğıroni nozil bıey bədiqə,xatəm iyən oxonə peyğombər(s) iyən çəy qlobal və bo umum dınyo bıə dəvətışon ğəbul nıkarde və ə həzrətışon inkor karde.Bəyyinə mıborəkə surə ayəon bəvon xitob kardedə və əvoni mızəmmət kardedə.joqo ki,hamyedə:boçi şımə bın nuyə ayinədə ixtilofon karde,şıməku bəziyon mumin iyən kali qıləyni həm kofir biyon.qıləy holədə ki,islomi ayinədə bəvon qıləy təlimot doey bıəni.illa ki,əvon Xıdo pərəstışkon,ıştə dini bo Xıdo xoto xoliskənən və çı şırkiku bə tohidi səmt oqardənən,nımoji bərpokənən və zəkoti pərdaxtkənən iyən bıdənən......

Bə Kərimə-Ğıroni ayəon əsos,çı peyğombəron xatəm iyən oxonə qıləyni bıə həzrəte Muhəmməd bin Əbdullah(s)-i risolət və missiyə,bo umum əhli-kitob iyən mışrikon təsdığ bıə. Ğıron ziyodə ayəonədə həmmə milləti de bənə “ya əyyuhən-nas”(ha məxloğ ha!) və ya “ Ya bəni-Adəm” yəni ha Odəmi fərzəndon ha xitob kardedə və ıştə hidoyəti bə qırd insonon şomil zıneydə.

Bə torıxi sənədon əsos,İslomi peyğombər(s) bənə Romə ğeysər və imperatori,İroni podşo və Misr,Həbəşə ya Efyopiyə və Şamati bıə hukmdoron və həmçinin bə ərəbi mıxtəlifə ğəbiləon yolon noməonış nıvışte və əvonış bə mığəddəsə islomi dini səmt dəvətış karde.