Osmoniyə surəon-291

Osmoniyə surəon-291

Zilzali mıborəkə surə 8-ə ayədə handedəmon:”və hakəs həm qıləy zərrə vəznədə ko bıko,əy bəvinde”.zərrə iyo həmməysə kamə vəzne.zohirən ın ayəon həm bə əməlon təcəssım məsələ ijən təkid kardedə və əməli ıştən mışohidə ısət çı çok bıbu ya bəd,ğıyoməti ruje.ayə bəy işorə kardedə ki,hətto ehanə çı darzəni tıki qədər həm qıləy çok ya bevəcə ko bə əməl boy,çəy soybi mığobilədə mucəssəm və təccəssim bəbe və əvon əy mışohdiə bəkardeyn və de xeyə ko soybon həmnişin bıey bə şoyvonəti iyən deştə qıno səhnə vindey,bəçəy renc iyən bəlo boyis bəbe....  

De qıləy co iborəti ım təbiron nışon doydə ki,ilahi ədolətinə dərqoyədə və həmonə yolə hisobi ruji,həmməysə hırd və qədə koon həm nııvıştey bəbe və çəşnavi doydə ki,millət nə qədə qınon be əhəmiyyətə hisobkon və nə qədə xeyə koon.qıləy çi ki,ilahi hisob və mıhosibəku dəbəvarde, harçənd həm kam əhəmiyyət həm bıbu.bəçəy xoto,Zilzali mıborəkə surə dığğət doydə ki, insonon ğıyoməti ruji deştə əməlon dimbədim bomeyn və bəçəvon yod dənoydə ki,əvon ıştə əməl və rəftoronku mığət və hodi bıbon.

Kərimə-Ğıroni co ayəonku  həm çok-çoki dərəse bedə ki,ğıyoməti ruji bə insonon əməlon hisobi rəsey koy,de fovğəladə dığğəti nəzədə dəvordıney bəbe.çoko ki,Loğmani mıborəkə surə 16-ə şərifə ayədə çə həzrəti ıştən zıvoniku handedəmon:”ha çımı zoə ha! çı xardəli donə sanqinəti əndozədə (ısət çı çok bıbu ya bevəc)bıbu və çı sıği dılədə ya osmoni iqlə quşədə və ya zəminədə punhon bıbu,Xıdovənd əy(ğıyoməti ruji) bo hisobi rəseyro bəvarde,Xıdovənd dəğiğ və aqahe”.

Beşək,bə ın ayəon mehtəvo və məzmuni bıə qıləy nığılə imon,kafi və vəs kardedə ki,insoni bə həxı royədə qəm şodey vodor kardedə və çı harcurnə şər və fəsodiku oqəteydə...

Adiyati mıborəkə surə Kərimə-Ğıroni  saminə surəy.ın surə Mədinədə enovniyə bıə və 11 qılə ayəku iborəte.Adiyati mıborəkə surə de oğoəkə ğəssəmon bino bedə  və çəy bədiqə çı insoni nevi bənə kufr,pəxıləti iyən dınyopərəstəti bıə zəyifəti i hissəku sıxan bə miyon vardedə və nəhoyətən de qıləy kuto iyən rəsə sıxani bə miadi məsələ iyən bə Xıdovəndi bəştə bandəon bıə elmi əhotə işorə kardey,bə oxo rəseydə.

Hicri-Ğəməri həştminə sori bə Peyğombəre-Əkrəm(s)-i xəbəşon doe ki,donzə həzo suvari Yabisi sərzəminədə cəm bıən və de iyande əhdışon baste ki,ə həzrət iyən Əli(ə)-i bə ğətl bırosnon və çı mısılmınon camaati volo-volokon.peyğombər(s) ıştə yaro-yavəronku ziyodə şəxsonış de qıləy səhabə rəhbərəti bo votemon iyən mızokirə bardey xoto,çəvon tonoku vığandeşe.əmmo,çın cəhdi hiç qıləy foydəş nıbe və hiç qıləy nəticə nıbe.peyğombər(s) çandə kərə ım koş de çandə qılə səhobə sərkərdəti vositə bə vırə rosneşe.nəhoyətən,peyğombər(s) həzrət Əli(ə)-ış çı mıhocir iyən ənsariku iborət de qıləy dıjdə qrupi de əvon canq kardero çəvon sape vığandeşe.əvon de surəti bə deşımoni səmt hərəkətışon karde.əvon de şəvi hərəkətışon karde və sıbi vaxti deşmınışon mıhiosirə karde.sıftədə islomi dinışon bəvon təğdım karde,əmmo çun,əvon ımışon ğəbul nıkarde,əve bəvon həmləşon karde,əvonışon məğlub karde və çəvonku ziyodə ğənimətışon bə dast varde.

Qıləy holədə ki,hələ çı İslomi sərboz və əskəron bə Mədinə oqardə nıbin,Xıdo-Rəsul(s) sıbi nımoji zəmonədə Adiyati mıborəkə surəş tilovətış karde.nımoj bə oxo rəsey bəpeştə,əshobi ərzışon karde:ha Xıdo Rəsul ha! əmə de tosə ısət ım surəmon məsə nıbe.ə həzrəti hamyeşe: “bəle,Əli(ə)  bə deşmınon səbarz və ğalib ome və Cəbrəyili de ın surə vardey,bəmı bəşorət və mıjdəvoniş doe”.çandə ruj bədiqə Əli(ə) de ğənimət və əsiron bə ico bə Mədinə oqardin.