Osmoniyə surəon-302

Osmoniyə surəon-302

Mauni mıborəkə surə Kərimə-Ğıroni sa haftminə surəy ki,Ğureyşi mıborəkə surə bəpeştə ğərolış qətə.çın surə coqlə nomon Din iyən Təkzibe.ın surə Məkkədə nozil bıə və 7 qılə ayəku iborəte.

Mauni mıborəkə surə ğıyoməti ruji inkorəkə fərdi sıfət və əməlon və çı yavə ko soybon xısusiyyəton zikr kardedə.İslomi zuhuri bədiqə de zəmoni dəvarde və de mısılmınon mığdori ziyod bıey,qıləy nuyə şərayit bə vucud ome ki,ıştə novbədə ziyon və ofotonış həm bə əməl varde.min cumlə o dastə odəmon təsəvvır kardedəbin ki,de şəhodəteyni votey iyən de bə islomi zohiri şuoron əməl kardey,əvon ıştə imonışon hifz kardə,oqətə və əvon dınyo iyən axırətədə bə hərəbaxətəti bərəseyn.qıləy holədə ki,bo mısılmınon bə aliyə dərəcəon rəseyro bıə bənə bə yətim və miskinon ehson kardey,pok iyən xolisonə ibodət və çokə əməlon bıə usulon məcmu, ıştədə ehtivo kardedə.

Jıqo qıləy şərayitədə Mauni mıborəkə surə nozil be və dini təkzibəkəyon nışonəonış bəyon karde.de qıləy co iborəti Mauni mıborəkə surə rəzilə və yavə sıfəton məcmu bəyon kardedə ki, hakəsədə bıbu,ım çı beimonəti,exrocəti iyən həğorəti nışonəy.dığğət kardənin ıme ki,Kərimə-Ğıron qırd ım bədə sıfət və rəftoron çı din ya cəzo ruji təkzibəkəyon sıfətış zınə.yətimon təhğır,vəşyanə insonon tərk kardey,nımoji ğafil mandey,riyokorəti,və de milləti həmkorəti nıkardey hətto çəvon jimoni qədə vositəon həm bıbu,çın surə mevzuonku təşkil doydə.de ın tərtibi pəxıl,xudxah iyən zohirbozə fərdon munəkis kardedə ki,çəvon nə de xəlği qıləy robitəş heste və nə de Xalıği qıləy rabitəşon heste.ə fərdon ki,imoni nur iyən məsuliyyəəti hiss çəvon vucudədə mevcud ni. əvon nəyin ki,çı ilahi mıkofaton həxədə fik-fam kardedən və nə çəy əzobiku tarseydən.....

“Aya cəzo ruji (hejo)inkor kardə kəsı vinde? əv.həmonə kəse ki,yətimi de hoziyəti tojneydə və(cokəson) bə miskin iyən ehtiyocinə şəxson itam(xorək doey) təşviğ kardedəni?”(1-3).

Bəziyon votedən ki,ın ayəon çı əbu sufyani həxədə nozil bıə ki,qıləy ruj iqlə yətim ome çəy palu və çəyku qıləy çiş tələb karde.əmmo,əv deştə əso bə həmonə yətimi jeşe və ıştəku bə diyəro kardeşe.........

Mauni mıborəkə surə 4 iyən 5-ə şərifə yəon de bə nımojəvoton çəşnavi və xəbərdorəti doey bino beydə.vay bıbu bo nımoj votəkəson ki,deştə pərvərdıqori qıləy səhihə rabitəş nıbey xoto, nımoji fərizə əslədə səhlənkorəti kardedən.nə boəy qıləy erj ğayilin və nə əvon bə nımoji vaxton əhəmiyyət doydən və nə bəçəy ədob-ərkoni rioyət kardedən..