Osmoniyə surəon-303
Osmoniyə surəon-303
Osmoniyə surəon-303
“Aya cəzo ruji (hejo)inkor kardə kəsı vinde? əv.həmonə kəse ki,yətimi de hoziyəti tojneydə və(cokəson) bə miskin iyən ehtiyocinə şəxson itam(xorək doey) təşviğ kardedəni?”(1-3).
Bəziyon votedən ki,ın ayəon çı əbu sufyani həxədə nozil bıə ki,qıləy ruj iqlə yətim ome çəy palu və çəyku qıləy çiş tələb karde.əmmo,əv deştə əso bə həmonə yətimi jeşe və ıştəku bə diyəro kardeşe.
Mauni mıborəkə surə 4 iyən 5-ə şərifə yəon de bə nımojəvoton çəşnavi və xəbərdorəti doey bino beydə.vay bıbu bo nımoj votəkəson ki,deştə pərvərdıqori qıləy səhihə rabitəş nıbey xoto, nımoji fərizə əslədə səhlənkorəti kardedən.nə boəy qıləy erj ğayilin və nə əvon bə nımoji vaxton əhəmiyyət doydən və nə bəçəy ədob-ərkoni rioyət kardedən.
Kərimə-Ğıron ıştə təlimonədə əğedə iyən əməli de iyande rabitədə zıneydə.çı əməli de əğedə miyono rabitə,bənə livə de rişə rabitəy.beməyon rəğ-rişə xorəki maddəon zəminiku seydən və bə livəon doydən.livəon həm həşi nuri ğəbul kardedən və bə rəğ-rişə doydən.əğedə de əməli rabitə həm jıləvoniye.əğedə bə qıləy rişə,insoni bə əməli vodor kardedə,əməl həm bənə qıləy livə çı insoni əğedə ğoym kardedə.de qıləy co iborəti islomi nəzəku əməli əsosi niyyət təşkil doydə.əv həm qıləy xolisə niyyət və çı harkəsi ıştə əməliku bardə bəhrə,deçəy niyyəti mıtobiğe ki,həmonə əməli əncom doydə.əkəs ki,bo Xıdo xoto cihod kardedə,çəy əcr bə Yolə Xıdo ehdəy və ikəs ki,bo dınyo məta və maddiyyati xoto canqko,çəy səhm fəğət həmonə dınyəvi bəhrəy.
Qıləy camiyə ki,bə riyokorəti adətko,nəyinki,Xıdo,çokə əxloğ iyən ğəşənqə sıfətonku bə diyəro bəmande,bəlkəm qırd sosyal bərnoməon çəyku təy beydə və qıləy məzhəron kolleksiyədə beməno xılosə beydə.liza çın surə 6-ə ayə həmməysə yavə əməli riyokorəti elon kardedə.
Mauni mıborəkə surə oxonə ayə çə odəmon barədəy ki,cokəson çı Mauniku mən` kardedə və mane beydə.İmom Sadığ(ə) Mauni kəlmə təfsirədə hamyedə: “Maun qıləy ğarze ki,inson bə cokəsi doydə ya çı jimoni vositəon ki,de ariyə nomi çı cokəson ixtiyorədə ğərol doydə ya xeyə komək və koone ki,inson əvoni bə vırə rosnedə”.
De qıləy co iborəti əvon cokəson çı jimoni zəruriyyətonku mən və ğədəğən kardedə.və ım ıştən çı pəxıləti iyən bə ğıyoməti ruji beimonəti nışonəy.de islomi peyğombəri(s)-i təbiri ikəs ki,anədə pəxıl bıbu ki,hətto qıləy qədə və hırdə çi həm bo cokəson doeyış piyedəni,bəvədə Xıdovənde-Xalığ əy ıştə xəyriku məhrum bəkarde və vəy bəçəy ıştən holi vabədoe və hakəs ki,Xıdo əy bəçəy ıştən holi vabıdo,çəy çokonə bəd və yavə holış bəbe?.
