Osmoniyə surəon-309

Osmoniyə surəon-309

Məkkə fəthi zəmonədə deməkə ki,Məkkə mışrikon bə Peyğombər(s)-i ziyodə əzob-əziyyətışon doəbe,ƏMMO Ə HƏZRƏTİ HAMYEŞE:mı şımə barədə həmonə çi votedəm ki,çımı bo Yusifi votəşbe.ımruj bo şımə hiç qıləy mızzəmmət və sə-sıxan ni.Xıdovənde-Aləm şıməni bəbaxşe və əv Ərhəmər Rahimine.”de ın tərtibi rəhməti rəsul həmmə kəsış baxşe və əfvış karde və hamyeşe:bə kon vırə piyedəyone,bışənən.

De ın tərtibi Məkkə,becanq və hiç qıləy xun rukardə holədə fəth be.çı islomi ın  rəhmət və əfvi cozibə ki,Məkkə millət əy çəş kardedə nıbe,jıqo bə milləti dılon təsirış  jnoe ki,əvon dastə-dastə bə dini-islomi səmt dimışon qəte.ım yolə fəth de surəti qırd Ərəbıstoni niməcəzirəş bə larzəş varde və həmonə sərzəminədə şırk iyən bıtpərsətəti rınəş bırniye.demiyən,islomi sədo həmmə vırəş dəqəte və çəy səbarzətiyon təsbit be.çəy bədiqə,islomi xoşə sədo bə dınyo co noxtəon həm rəse.

Qıləy hədisədə omə ki,ın surə nozil bıə zəmonədə Peyğombəre-Əkrəm(s) əvış bəştə əshobi tilovətış karde və.bın zəmon həmməkəs şo və xoşhol bin.əmmo,peyğombər(s)-i amu Əbbos ımi məsey bədiqə vey norohət be və bəme.Peyğombər(s)-i hamyeşe:”ha çımı şinə amu!boçi tı bəmiiş?ərzış karde:qımon kardedəm ki,şımə rehləti xəbə bın surədə omə.peyğombər(s)-i hamyeşe:”mətləb tı çokonə votedəş hejo jəqoye”....

Məsədi mıborəkə surə Kərimə-Ğıroni sa yonzəminə surəy.Məsəd yəni xımo do lif iyən toğiku boftə bıə rismoni mənoədəy.təbbət və əbu-ləhəb çın surə coqləyni nomonkuye.Məsədi surə Hicrəti bənav Məkkədə nozil bıə və 5 qılə ayəku iborəte.

Məsədi mıborəkə surə ki,təğribən peyğombər(s)-i oşkoə dəvəti sıftənə soronədə nozil be və fəğət bın surədə bə zəmon islomi peyğombəri(s) deşımınonku qıləyni yəni əbu ləhəbi qıləy şiddətinə həmləy.çın surə mehtəvo iyən məzmun nışon doydə ki,əbu ləhəbi de peyğombər(s)-i məxsusə deşımınəti kardedəbe.əbu ləhəb iyən çəy jimoni həmro  bə peyğombəri(s) vey əziyyət kardedəbin.nəğl bıə qıləy ruj ki,peyğombər(s) bə Səfa bandı-ku şe və vanqış je:qıləy muhimmə xəbəm heste.çoko ki,Məkkə millət ım sədoşon məse,voteşone:kiye jıqo fəryod jeydə? voteşone: Muhəmməd.cəmyət bə ə həzrəti soyəx şin.

Ə həzrəti hamyeşe:bəmı bıvotən ehanə bəşmə qıləy xəbə bıdəm ki,ımruj əsri zəmonədə ya maşki sıbi vaxti çı deşmıni suvariyon çın bandi kənoku bəşmə həmlə bəkardeyn,aya şımə çımı sıxanon təsdığ bəkardiyon?voteşone:əmə hiçvaxti ıştıku duyə sıxanımon məsəmon ni. hamyeşe:mı şıməni de qıləy şiddətinə əzobi(bə bıton pərəstış kardey xoto) inzar kardedəm.(tars doydəm).əbu ləhəbi voteşe:ehanə mı ıştı ayni ğəbulkom,çımı bə co mısılmınon bıə nisbətım çokonə bəbe? Xıdo-Rəsul(s) hamyeşe:əgər tı çımi dini ğəbulkoş,tı həm bənə coqlə mısılmononku qıləyni və bənə qıləy mısımonə fərdi bəbeyş və həni co qıləy imtiyozı nibəbe.zira,çımı vardə din çı bıvəti iyən bərobərəti dine.bın dinədə qırd mısılmınon iqlə cərqədə və i formədən.əbu-ləhəb Xıdo-Rəsul(s) ın sıxanon məsey bədiqə vey norohət və ğeyzin be və de yavə sıxanon bə ico voteşe:tı həlok və məhf bıbuş vədeştə vardə joqo dini.

Məsədi mıborəkə surə çı əbu ləhəbi ım yavə sıxanon mığobilədə nozil be və çəy sıxanış bəçəy ıştəni oqordınışe və hamyeşe:çı əbu ləhəbi daston bırniyə bıbu və maq bıbu boəy.