trampi devləti Sərdor Suleymani terror kardey - 1
trampi devləti Sərdor Suleymani terror kardey - 1
trampi devləti Sərdor Suleymani terror kardey - 1
İslomi İnğılobi Muhafizə Sepah ğıvvon Ğuds briqadə komandir qeneral şəhid Ğasım Suleymani və İraği Həşduş-Şə`bi hərbi təşkiloti muavin Əbu Məhdi Muhəndis deştə co 8 qılə həmməsləkon bə ico,ımsor yanvarə manqi 3-ə ruji de amerkə terrorist və təcavuzkorə həvo ğıvvon həmlə vositə çı İraği poytaxt Bağdadi ayreporti nezi bə şəhodət məğami rəse.
Bə amerkə canqi vəzərotxonə Pentaqoni eloni əsos,çın avizərbə əmr amerkə prezdent donald trampi sadirış kardə be.amerkə bın cinoyətkorə həmlədə iddioş ım be ki,Qeneral Suleymani de bə amerkə iyən bəçəy hərbi bazəon ələyh həmlə plani hədəfi bə İrağ oməbe və çı amerkə həvo həmlə həm bəçəy əsos be.qıləy holədə ki,İraği yolə rəsmi şəxson çəvon ım iddioşon rədd karde.İraği iminə vəzir Adil Əbdul Məhdi yanvari 5 işanbə ruji çın kişvəri parlamentədə elonış karde ki,qeneral Şəhid Suleymani çı İroniku bə səudiyyə rəsmi şəxsomn vığandə mesaji vardero bə Bağdad oməbe.İraği parlamenti bo amerkə hərbi ğıvvon çı İrağiku xaric kardeyo cəm bıə iclosədə Adil Əbdul Məhdi ıştə sıxanonədə voteşe ki,general Suleymani çımi bənav İroni tərəfiku bo səudiyyəvəjon vığandə mesaji cəvobi bə iron bardey xoto oməbe.İraği muvəğğətiyə iminə vəzir elonış karde ki,cımə ruji saat 8:30 dəyğədə sərdor Suelymani deəy vindemon kardənin be və çı İroni bə səudiyyəvıjon bıə cəvobi bəy təslim kardənin be.İraği muvəğğəti sərvəzir çı ərəbıstoni bə ironi vığandə nomə mehtəvo və məzmun bo regiyonədə zifddiyyəti bə kam kardero be.......
De ın tərtibi çı vaşinqtoni du votey komilə surətədə oşko be.həyğətədə,tarmp təğribən isor nim çımi bənav qenaral Suleymani terror kardey fikdə be və çı qıləy mınosibə fırsəti dumo be.bə Milli Mıdofiyə Ali Muəssisə rəyis qeneral Əhməd Vəhidi voteydə:amerkə prezdent elonış karde ki,Ğasım Suleymani bəpe dı sor çımi bənav şəhid bıəbe və hətto çı amerkə coqləyni rəsmi şəxsonku elonışon kardəbe ki,bəpe isor nim çımi bənav ım koşon əncom doəbe.joqo ki,amerkəvıjon çı naviku çı sərdor Syuleymani terrori planışon kəşbe.
Bə vaşinqtoni ım suyi-ğəsdon dığğət kardə holədə,trampi hərbi iyən əmniyyəti mışoviron nəzəku qeneral Ğasım Suleymani de Əbu Məhdi Əlmuhəndisi bə ico Bağdadədə iştirok ki,ımon har dıqləyni bə de DAİŞ terroristə dastə mıborizədə əsosə rolışon ifo kardəbe və eyni holədə bə amerkə hədəfon real bıey mane bedəbe,əve qıləy fırsətış zıne ta ımi çı dasto nıdo və demiyən amerkəvıjon deştə bənə nomərdon bıə həmlə vositə qıləy dıjdə cinoyətışon bə vırə rosne.həyğətədə,amerkə navnə prezdenton nə corc dablyu buş və nə barak obama bə çın koy yavə ağıbəti xoto,jıqo qıləy curətışon karde nızıne.əmmo tarmpi sabitış karde ki,çəy hiç qıləy rəftori çı naviku proqnoz kardey nibəbe və əv çın həmlə ağıbəti fik nıkardə holədə ın cinoyətış bə vırə rosnə.bə ironi xarici koon vəzir Muhəmməd Cavad Zərifi votey əsos,vey təəccıb kardənine ki,amerkə beədəb və qustaxə prezdent və çəy xarici koon vəzir çəysə həm vey beədəb bə qıləy startejikə səhfi dıço bıən və əvon bəştə beməxəti xoto,bə radikalizm iyən terrozmi ələyh canqə kardə həmməysə yolə fateh və çəmə məntəğə sulhamizə qeneralışon terror karde.əvon ın dəfə qıləy yolə ğomarışon karde və bızınon ki,ilahi vədə həx bəbe və həx səbarze.
