Osmoniyə surəon-312

Osmoniyə surəon-312

Xılğəti nizomədə fəsod iyən ziddiyyəti mevcud nıbey və çəvon miyono həmahənqəti,Xıdovəndi vohidəti isbot kardey dəlilonku qıləyniye.Kərimə-Ğıron Ənbiya mıborəkə surə 22-ə şərifə ayədə hamyedə:”ehanə zəmin iyən osmonədə ğərəz vohidə Xıdo co qıləy xıdoon bıəbe,beşək həmonə dıqlə (zəmin və osmon) fosid əbi(dınyo nizom bəyənde əqıni).çən,çəvon tovsif kardə çiyku,ərşi pərvədıqor Xıdo mınəzzəhe”.beşək hestemoni aləmədə çandə qılə mudiri bıey,boyis beydə ki, əvon fosid iyən iayndeyku co bıbon.ehanə qıləy kitobi çandə qılə ənıvıştış bıbu,qıləy dəğiğə nəzəkəmon,vey rohət səbərəsemon ki,cumləon çın kitobi har baxş və har qıləy mehtəvo və məzmun de iyande farğ kardedə.əgər bə hestemoni aləmi dıjdə kitobi həm dığğətkəmon və bəvədə qıləy fovğəladə həmahənqəti,tədbir iyən nəzm mışohidə bəkardemon.ım ıştən nışon doydə ki.ım dıjdə kitob çı iqlə kəsi koye və əv həm dınyo ofəyə həmonə vohidə Xıdoye.....

Bə ilahi peyğombəron təlimon həm dığğətkəmon ımi bəyon bəkarde ki,ilahi ənbiyaon həmmə be istisno bəşəri bə hestemoni aləmi ofəyə və pərvərdıqor bıə Xıdo səmt dəvət kardedə.ım ıştən bo tohidi isbot kardero qıləy coqlə dəlile.çıro ki,əgər vucudi aləmədə çandə qılə xıodon bıəbe,bəpe çəvon tərəfiku həm peyğombəron oməbe və bəşəri deəvon oşno və bəçəvon roon tərəf hidoyət əkəy.

İmom Əli(ə) bəştə fərzənd İmom Həsən(ə)-i vəsiyyətnomədə hamyedə:”bızın çımı fərzənd! ehanə ıştı pərvərdıqori qıləy həmto(mislış) bıəbe,çəy vığandəyon bəştı soyəx əvoyn və çəy mılki əsəron və sultoni mışohidə əkəyon və deçəy fel və sıfəton oşno əbiyon,əmmo əv vohidə məbude,çoko ki,ıştənış tovsif və vəsfış kardə”. ....

Tohidi mıborəkə surə 2-ə şərifə ayədə pərvərdıqore-aləmi mığəddəsə zoti tovsifədə hamyedə:Allahus-Səməd: qıləy Xıdo ki,be ehtiyoce(və həmmə ehtiyocinə şəxson bəy ovardkon).

Əv be ehtiyocə Xıdoye və həmmə mevcudat ıştə dimışon bəçəy dərqo səmt qətəşone.əv çı həmmə kəsi məğsəde.əv ğəni və har cəhəto komile.həmonə  aliyə vucud əzəmətin iyən dıjde.əv qıləy kəse ki,həmmə millət bəy ehtiyiş hest və ıştə tələb və həvayicədə bəçəy səmt dim qəteydən.........