Osmoniyə surəon-313
Osmoniyə surəon-313
Osmoniyə surəon-313
İmom Əli(ə) bəştə fərzənd İmom Həsən(ə)-i vəsiyyətnomədə hamyedə:”bızın çımı fərzənd! ehanə ıştı pərvərdıqori qıləy həmto(mislış) bıəbe,çəy vığandəyon bəştı soyəx əvoyn və çəy mılki əsəron və sultoni mışohidə əkəyon və deçəy fel və sıfəton oşno əbiyon,əmmo əv vohidə məbude,çoko ki,ıştənış tovsif və vəsfış kardə”. .... Tohidi mıborəkə surə 2-ə şərifə ayədə pərvərdıqore-aləmi mığəddəsə zoti tovsifədə hamyedə:Allahus-Səməd: qıləy Xıdo ki,be ehtiyoce(və həmmə ehtiyocinə şəxson bəy ovardkon). Əv be ehtiyocə Xıdoye və həmmə mevcudat ıştə dimışon bəçəy dərqo səmt qətəşone.əv çı həmmə kəsi məğsəde.əv ğəni və har cəhəto komile.həmonə aliyə vucud əzəmətin iyən dıjde.əv qıləy kəse ki,həmmə millət bəy ehtiyociş heste və ıştə tələb və həvayicədə bəçəy səmt dim qəteydən.........
Ixlosi mıborkə surə 3 və 4-ə şərifə ayəonədə de məsihi,yəhudiyon və mışrikon əğedəon rədd kardey işorə kardedə ki,əvon bo Xıdovəndi qıləy fərzənd ya pı ğayilin,hamyedə:ləm yəlid bvə ləm yuləd.(ikəsış zandəni və əv zandey bıəni). Yəhudiyon Uzeyr(ə)-i Xıdo zoə zıneydən və məsihi iyən xristiyanon həm İsa-Məsih(ə)-i Xıdo zoə hisob kardedən.ımi həm zikr kardey lozıme ki,məsihiyon bə “təslis”-i (se qılə xıdo) yəni pıə xıdo, zoə xıdo və Ruhul-Ğuds-i etığodışon heste.ərəbə mışrikon həm bın bovədən ki,məlayikon Xıdo kinəonin.qıləy holədə ki,ın ayə hamyedə:Xıdovənd qıləy fərzəndış vardəni və çı hiçkəsi(həm) fərzənd ni. Xıdovəndi de mevcudati rabitə xılğəti rabitəy,nəyinki,zandemoni.əv mevcudati xəlğ kardedə yəni hiççiku əvoni bə vucud vardedə.nəyinki,əvoni zandedə. Ixlosi mıborəkə surə oxonə ayədə omə:hiçkəs çəy həmto və şərik ni və çəy şəbih iyən mislış həm ni.ın ayə Xıdovəndi vəsfon həxədə mətləbi rosnedə və hamyedə:və boəy hiç qıləy şəbih və misl ni.bə ın əsos,Xıdovəndi zot bə maddi aləmi ayid bıə har qıləy təsir iyən harcurnə ayb, noxsan və məhdudiyyətonku pok və mınəzzəhe.ım həmonə zoti iyən sıfəti zote.de ın fəsfi əv nə bənə qıləy zotədə misli və nə bənə sıfətədə bıə şəbihiye və əv çı har nəzəku bemisle. Əli(ə) Nəhcul-Bəlağə nəfisə kitobi 186-ə xutbədə hamyedə:....əv qıləy manəndış ni ta deəy həmto bıbu və boəy qıləy şəbih təsəvvır bedəni ta deəy mısovi bıbu.
De ın tərətibi Tohidi mıborəkə surə ğərəz Xıdo co pərəstış iyən şırki ısət çı təbiyi unsur bıbu ya ğeyri-təbiyi,botıl bə hisob omeydə.bə Kərimə-Ğıroni əsos,dılon iyən conon de aləmi vohidə Xıdo zikri oroməti pəydu kardedən.fəğət əv bə toykiyətiyədə bıə isnoni bə nur iyən ruşinəti səmt hidoyət kardedə və fəğət əv bə həmdo-sıtoyişi ləyoğətış heste.əmə həm bəpe bəçəy əmron təslim bıbəmon və fəğət çəyku komək tələbkəmon.....
