Ğıroni bəşorəton-5
Ğıroni bəşorəton-5
Rəməzonə manq ğəşənq və yodo mandə manqe.çın mıborəkə manqi ləzə və anon de ehson iyən çokəti dəvardedə və çın manqi əzəməti ziyod kardedən.ehson iyən çokəti Xıdovəndi rozi bıə koonkue ki,inson de bə cokəson komək kardey Xıdovəndi roziyəti və xoşnudəti bə dast vardedə.
Ehson iyən Muhsinini kəlmə Kərimə-Ğıronədə ziyodə vıronədə oko doey bıə.qıləy həddədə ki,ın kəlmə (hsn)əsliyə rişə cəmən 194 kəlmə 28 ğolibədə istifodə bıə.ehsoni kəlmə deştə muşatğğaton bə ico 34 kərə və Muhsini kəlmə deştə muştağğaton 39 kərə kərimə-Ğıronədə oko doey bıə.çın ayəonku qıləyni Əhğafi mıborəkə surə 12-ə şərifə ayədəy ki, Xıdovənd bə muhsinini bəşorət doydə.”və min ….və çəy bənav Mosə kitob ki,rəhbər və rəhmət be (çəy nışonəonış bəyon karde)və ın kitob de Tovrati nışonəon həmahənqe.qıləy holədə ki,de ərəbi fəsih iyən rəsə zıvoniye ta bə zolımon tars bıdo və bə çokə soybon mıjdəvoni bıdo.” (Əhğafi mıborəkə surə 12-ə şərifə ayə)…..
Bə ın ayə əsos osmoniyə kitobon vığandey ilahi sınnət və adətonkuye və osmoniyə kitobon ilahi rəhməti cilvəonkuye və bənə imomi bə bəşəri hadi iyən ro nışon doə çiye və insonon bəpe har cəhətonədə bəy tabe və bəçəy əmron əməlkon.
