Ilahi rəhbəron-23
Ilahi rəhbəron-23
Xıdo-Rəsul(s) bə həxı dəvəti ləbbeykış vote,əmmo çəy mıcohidəton şuaədə əzizə islom bəşəri torıxədə qıləy nuyə noxtəş icod karde və bo bəşəriyyəti ziyodə noiliyyətonış bə ərməğon vardeşe.əv bənə həyot baxş kardə voşi ovi bəsə cohiliyyə camiyəsə voye və de əxloğ, fəzilət, insoniyyət və bıvəti ruşd və ozavziye bə bəşəriyyəti səmərəş baxş karde.ə həzrəti bəşəri daxil və nığılə vırədə qıləy inğılob və və təhəvvulış icod karde və bəşəriyyətış vodor karde ki,deştə əməl və rəftorədə bıə fik və əndişə,çı irği və ğəbiləvi tanqə nəzə və təəssıbon əsorətiku ozod bıbon,bə həxı səmt hərəkətkon və çokətiyon bıvıjnon.dini peyğombər qıləy dınyoş bə irsış noe ki,de har qıləy əsr və zəmoni tələbon həmohənq və i omyedə......
Peyğombər(s)-i sınnət və siyrə hejo bo mısılmonə muhəğğiğon muhimə mevzuonku bıə və çəy barədə veyə bəhson bıə.ziyodə elmi kitob və risoləon çı dəvardə zəmononku de tosə ısət bın zəminədə nıvıştey bıə ki,ım həm çı mısılmonə alimon palu bə ın mevzu bıə dığğəti nışon doydə. ın kitobon ənışvışton səyışon kardə bə Xıdo-Rəsul(s)-i şəxsiyyət və jimoni ayid vey cuzi məsələon həm ğeydkon və de çə həzrəti iştimoyi iyən hukuməti şivəon bəyon kardey,çə həzrəti dınyo əvəz kardey iyən islomi dıjdə təməddun iyən mədəniyyəti icod kardeyədə bıə roli bəyon kardedən.
Islomi əzizə peyğombər(s) bənə dəvəşə həşi insoniyyəti osmonədə vavriski doydəbe və əxloği və insoni barzə keyfiyyət və erjonş bəyji karde.camiyədə qıləy insoni lozım bıə qırd kəmolat və imtiyozon soyb be və çə həzrəti jimon de əzəmət və mecuzə purbe ki,dayima bənə qıləy nur doə məşəli bə odəmon hidoyəti boyis beydə
