Sıə Irfon-11
Sıə Irfon-11
Sıə Irfon-11
Kərimə-Ğıron itərəfiku muminon bə şəhodət tələbəti ruhiyyə malik bıey səmt təşviğ kardedə və co tərəfiku həm əkəson ki,bəçəvon dılonədə bıə dınyo məhəbbəti xoto Xıdo royədə mıcohidət nıkardə kəson mızəmmət və təhdid kardedə.bəçəy əsos Xıdovənde-Aləm Tobə mıborəkə surə 24-ə şərifə ayədə hamyedə:”ğul in kanə….vuji:ehanə şımə pıon,şımə fərzəndon,şımə jimoni həmroon,şımə toyfəon və şımə bə dast vardə molon və şımə çəy kəsod bıeyku tarson bıə ticorət və bəy dıl dəvastə kəon,şımə nəzədə Xıdovənd,çəy rəsul iyən çəy royədə cihodisə vey mahbube. intizorədə bımandənən ki,Xıdovənd ıştə əzobi nozil bəkarde və Xıdovənd fosiğə dastə hidoyət nibəkarde…
Zikr bıə ayə Xıdo royədə cihod iyən fədokorəti kardeyku tarsə və de har qıləy bəhonə əy bə vırə nırosnə fərdon,beimon iyən fosiğ hisob kardedə və həyğətədə beimonəti iyən nifoği çı insoni dılədə bə cihodi ələyh bıə kərohəti əsliyə illət və səbəb zıneydə.təbiiye ki,dınyo jimoni ıştə qırd hestemon hisob kardə kəson,çəyku co bıey boəvon vey dardnok əzobe.binobərin cihod iyən Xıdo royədə şəhodət həm bəçəvon xoş omeydəni ki,hiç,bəlkəm bəy nifrətışon həm heste.çun,əvon boəvon mahbub bıə ıştə dınyəvi məta və moliku co bıey zıneydəni.dınyəvi jimon iyən çəy məta çı Xıdo,çəy rəsul iyən cihodisə boəy vey mahbub bıə kəson fosiğin və bəpe əvon ilahi əzobi nozil bıey intizorədə bımandon.əkəson ki,çəvon ğəlbon ğərəz Xıdo de co çiyon pur bıə və çəvon bə Xıdo ovliyaon iyən cihadon fi səbilillahku xoşışon omeydə və bəy nifrətışon heste.demiyən Xıdo həm jıqo fərdonku xoşış omeydəni və bəvon nisbətəd ğəzəbış heste….
Subhonə-Xıdo çandə qılə ayəonədə muminon mıcohidət iyən şəhodət tələbəti ruhiyyə imtovon kardey,qıləy ğətiyə imtovononku qıləyni bəyon kardedə və Muhəmmədi(s) surə 31-ə şərifə ayədə hamyedə:”və lənəbluvənnəkum…həyğətən.əmə şımə həmmə imtovon bəkardemon ta məlum bıbu şımə miyono həyğiyə mıcohid iyən sabiron kom şəxsonin və həmçinin şımə xəbə iyən holon imtovon bəkardemon”.
Xıdovənde-Aləm həmçinin Nisa mıborəkə surə 59-ə şərifə ayədə hamyedə:”imoninə şəxson ki,noxəş və norohətçəti nıbə holədə cohodiku mandən de Xıdo royədə deştə mol iyən coni cihod kardə kəson I nin.Xıdovənd deştə mol iyən coni cihod kardə kəson bəsə (kədə)nıştə kəsonsə qıləy muhimmə bazrətiş baxş kardə və bə ın dıqlə dastəku har qıləyni Xıdovənd (bəçəvon əməlon nisbətədə) çokə mıkofot bədoe və bə mıcohidon bəsə nıştə kəson nisbətədə qıləy dıjdə mıkofotış baxşə”….
Çun,bo islom iyən mısılmınon hejo çı deşmınon xətər və təhlukə mevcude,əve çı mısılmınon miyono şəhodət tələbəti ruhiyyə mevcud beıy və dini cmaiyədə ım fərhənqi tərvic kardey, Kərimə-Ğıroni bo mısılmınon hozzıəti iyən bəsirət kəsb kardero iyən bo deşımınon dılonədə tars icod kardero bıə həmməysə muhimmə sıfarışonkuye.bəçəy xoto,Xıdovənde-Aləm Ənfali mıborəkə surə 60-ə şərifə ayədə bə mısılmınon jıqo əmr kardedə:”şımə çanədə zuon vışkiyedə,bo de deşmınon mıborizə bardero hozzı bıbənən və(həmçinin bo canqi meydoniro hozzı bıə) çıskə asbon(hozzıkənən)ta deçəy vositə Xıdo iyən bçəy deşmınon bıtorsınən”.
