Ilahi Rəhbəron-68

Ilahi Rəhbəron-68

Əli(ə) çoko ki,bə Yəməni marzi noxtə  ome rəse,islomi ləşkəri səfış  bə səmonış dənoe və sıbhi nımojış deəvon bə ico iğoməş karde,voteşe.peşo çı Yəməni hıəmməysə dıjdə ğəbilə bıə Həmdani ğəbilə qırd fərdonış bo peyğombəri(s) məktubi məsero cəmış karde və de bə tohidi ayini səmt dəvəti məzmuniku iborət  bıə ın noməş boəvon handeşe.ə həzrət İlahi həmdo-səno bəpeştə ıştə sıxanış bino karde vəjıqo qıləy cəzbəkə,məntıği iyən usuli surətədə islomış boəvon izoh və bəyonış karde ki,əvon həmmə bə ə həzrəti kəlomi təsiri ji dəşin və qırd əvon i ruji mıddətədə islomışon varde və mısılmon bin.Əli(ə) ım cərəyonış de qıləy nomə vositə bə peyğombəri(s) xıdmət rosneşe və Xıdo-Rəsul(s) vey xoşhol iyən şo be,ıştə səş bəsə səjdə noe və ilahi şukrış bə vırə rosne.

Həzrət Əli(ə) çım de səbarzəti pur bıə məmuriyyət və vəzifə əhəmiyyəti həxədə ım vəs kardedə ki,Yəməni millət de komilə ozodəti islomi dinışon ıştə rəsmi dinışon ğəbul karde və mısılmon bin....

Peyğombər(s) Hicri-Ğəməri daminə sori bə Həcci mərosimi səmt hərəkətışon karde və islomi ummətış həm ıştə çın ğəroliku xəbədoş karde.mısılmınon aqah bıey bədiqə de ziyodə iştiyoği dastə-dastə bə Məkkə ezom bin ta de Xıdo-Rəsuli(s) bə ico Həcci mərosimi bə vırə bırosnon və çəy mənasik və hukmon omuton.həcci mərosim bə oxo rəsey bədiqə,peyğombəri(s) iyən mısılmınon bə Mədinə səmt oqardin.Zilhiccə manqi həjdəminə ruji qıləy holədə ki,millət çı sıə həşi şua jiyədə bəştə şəhr iyən diyoron səmt oqardedəbin,bə Ğədiri-Xumi məntəğə omin rəsin. peyğombər(s) ki,de vəhyi roy vositə zıneşe ki,ım çəy oxonə həcci mərosim be və çə həzrəti maqi zəmon omə rəsə,bın fikədə ğərğ be ki,çı islomi umməti oxo çokonə bəbe?məxsusən ki,aqah be əv oxonə peyğombəre(s) və çə həzrəti vardə kitob Kərimə-Ğıron oxonə kitobe və bəpe boştə vardə risoləti ğoym iyən dəvom pəydu kardero qıləy ko əncom bıdo.