Həzrət Peyğombəri(s) rehlət
Həzrət Peyğombəri(s) rehlət
Imruj çı Xıdo-Rəsuli(s) bəfoti ruje.qıləy mislış nıbə şəxsiyyət ki,çı bəşəri jimoni məsir və roş əvəz kardeşe və bəvon hərəbaxtəti və nuyə ayin baxş kardə həyotış bə ərməğon vardışe.Həzrət Əli(ə) Nəhcul-Bəlağə 197-ə xutbədə çı həzrət peyğombəri(s) umri oxonə ləzon jıqo tevsif kardedə:” Xıdo-Rəsuli(s) qıləy holədə ki,çə həzrəti sə çımı sinədə ğərolış qəte və ğəbzı-ruf be, çəy nəfəs çımı dastədə rəvon be.peşo əvış bəştə çehrəm dəsyume.çəy ğusli ko bəçımı ehdə be. qıləy holədə ki,firiştəon bəmı komək kardedəbin.çı kə bə,divo iyən səhn zikməvulə jeydəbin. məlayikonku idastə bə zəmin omeydəbin və iqrup həm bə osmon şeydəbin və çımı quş çokonə çəvon bə ə həzrəti ahəstə nışmoj voteyku xali nıbe və əvoni məsedəbe.tosə ə zəmoni ki,ə həzrətımon ğəbədə dəkandemone....
İlahi peyğombəron çı dılon hukmdoronin ki,çı bəşəri dıjdə kərvononışon bə məğsədi səmt hidoyət kardəşone.torıx şoydəti kardedə ki,havaxti qıləy ğovm ıştə roy gimko və ya royku bımando,çın peyğombəronku qıləyni bəçəvon komək omə və boəvon qıləy nuyə roş oj kardə. həzrəte Muhəmməd(s) çın İlahi peyğombəron silsilə oxonə qıləyni be ki,çı Besəti zəmoniku deştə pok iyən mislış nıbə şəxsiyyəti hestemoni aləmədə dəvəşe.ımruj çandə sa sore ki,çı xıdovəndi vıjniyə peyğombər və xosə bandə bıə həzrəte Muhəmmədi(s) dınyəvi jimoniku dəvardedə.əmmo çə həzrəti təsiri dayirə çə həzrəti 63 sornə jimonisə həm bəpe şeydə.zira ki,çə həzrəti risoləti dayirə çı bəşəri cəhdon iyən insoni torıxi həmmə ehtivo kardedə və çı bəşəri ayəndə və vəomə roy və məsiri xəritəş bə təsvir kəşə.həzrəte Muhəmməd(s) qıləy mislış nıbə rəhbər be.çə həzrəti İlahi təlimon bənə sadığə subhi haruj de qıləy tojə dətıve vavriski doydəbe və çə həzrəti dəvəti ahənq ruhiyyəbaxş və de həyəconi pure.səlom bıbu......
Peyğombəre-Əkrəm(s) ıştə rehləti imanq bənav hamyeşe:”firoğ,nezəti iyən bə Xıdovəndi tərəf oqardemon neze.mıni vanq kardey zəmon neze və az həxı dəvəti ğəbul bəkardem və mı şımə miyono dıqlə qonə çi noydəm və şeydəm:Xıdo kitob iyən çımı İtrət və Lətif iyən Aqahə Xıdovəndibəmı xəbəş doə ki,ım dıqlə hiçvaxti iyandeyku co nibəbe tayinki,hovzi kəno çımı palu daxil bəbeyn.çən,çok fikkənən çokonə de həmonə dıqlə rəftor bəkardiyon?”.ım de İslomi peyğombəri bıə oxonə cələsə və iclos be ki,bərpo be.Peyğombəre-Əkrəm(s) həmonə ruji boştə umməti ayəndə və vəomə zəmon tərsim kardə ruji vey şo və xoşhol be.həzrəte Muhəmməd(s) bəştə ətrofədə cəm bıə kəson hamyeşe:”ha məxloğ ha! bızınən ki,çımı bəpeştə hiç qıləy peyğombər nibome və çımı bəpeştə hiç qıləy sınnət və adət nibəbe.hakəs peyğombərəti iddioko, ım çəy ıştən iddioye və çəy vırə cəhəndıme.ha millət ha! Həxı bərpokənən,co-co məbənən və mısılmon baği bımandənən tayinki,əbədi bıbon....
