De Ğuds beynəlxalğə ruji mınosibəti bərnamə-3

De Ğuds beynəlxalğə ruji mınosibəti bərnamə-3

Əzizə Tolışon səlom, şımə ruj bə xəyr bıbu, rəməzan mıborəkə manqədə şıməro xəy, səadət iyən məğfirət urzo kardəm. əzizon jəqo ki zıneydəmon bə İroni İslami nizomi təsisəkə, İmom Xomeyni(r)-i nəzə əsos, ki Rəməzan mıborəkə manqi oxonə cımə ruji, bənə Ğuds ruji nom noəşe, sionist rejim çı istikbor, zılmət və rasizmi simvole. Ğuds beynəl xalğə ruj, həx iyən botıl həmçınin ədolət iyən zılmi miyono ziddiyəti nışonəy . Ğudsi ruj fəğət Fələstini ruj ni, islamiyə umməti ruje, həminə mıvzo barədə ımrujnə bərnomədə qəp bəjənemon, dəvət kardəm dəmə bə ico bımandən.

Əzizə həmzıvonon, İmom Xomeyni nəzəku, Ğuds beynəl xalğə ruj, Amerkə və çəy mıtəfiğon cinoyəti oşko karde, islami bəji kardey iyən islami prinsipon sayədə islami həmmə kişvəron səmtiku mısılmononku himoyədorəti kardey, ruje. İmom Xomeyni(r) Ğuds beynəl xalğə ruji Xıdo rəsul(s) iyən həxi botıliku co bey ruj zıneydə be. Bə İmom Xomeyni nəzə əsos, Ğudsi ruj, islami milləton umumiyə bəsici ruj bə hisob omeydə və ım ruj bə məzlumə milləton həx-huğuği oqətey xoto, mıstəzəfin partiya icod beyro qıləy muğəddəməy. İmom Xomeyni(r) Ğudsi nicoti roy, bə həğiğiyə islami oqarde iyən bə Xıdovənde Xalığ və mənəviyə koon səmti hərəkət kardey zıneydə.

Ə Həzrət bə həmmə mısılmonə milləton tovsiyəş kardə ki Ğuds beynəl xalğə ruji aksiyaədə iştirok kon iyən ım mərosimi har çəxtə əzəmətin surəti bərpo kon. İmom Xomeyni(r) deştə huşinəti vositə, 6 manq İslamiyə inğilobi səbarzəti bəpeşt, Rəməzan mıborəkə manqi oxonə cıməş, bə Ğuds beynəl xalğə ruj nom noşe.

Miladi 1948 minnə sori Mey manqi 15 minnə rujədə, israili pesoxtə bıə  rejimi təsis bey bəpeşt, Fələstin sərzəminədə, lm rejim iyən ərəbi kişvəron miyono çand qılə canq icod bıə. 1948 minnə sor(yəni i ruj sionist rejimi təsis bey bəpeşt), 1967 minnə sori (ki bə 6 rujə canq məşhure) və 1973 minnə sor (ki bə Rəməzan canqi məşhure) əcumlə ım canqon miyonədə miyonə bıə, vey muhimmə canqonin.

Miladi 1970 minnə soriku, Amerkə səmtiku ərəbon iyən israil ğeyrə ğanuni rejimi miyono sazış bərğəror kardey xoto, vey səyo cəhdon əncom bıə ki çəvon vey muhimmə hədəf bə israili işğolçiyə rejimi rəsmiyət doe be. Miladi 1969 minnə sori Oktiyabrədə, Amerkə xarıci vəzir, Vilyam Racerz, bo Miyonə Şərğədə sulhi bərğəror kardeyro, bə Misr, Urdaniya, sionist rejim iyən Səvet hukuməti, çand qılə təklifi doşe ki 90 rujə otəşbast iyən bə 1967 minnə sori marzon, israili bə peşo pkıriye, həmonə təklifonku bə hisob omeydə be. İşorə kəmon ki ım təklif bə “Racerzi sulhi plan” məşhur bıə. həmçınin bə İ Bıə Milləton Təşkilati 242 minnə ğətnomə əsos, ım təklif jəqo nıvıştə bıə ki çəy ğəbul kardey ğeyre mıstəğim surəti İsraili rejimi təstiğ kardey mənodəy. sionist rejim bə Racerz plani əsos, de Misri muzakirə nıkardəş iyən tosə zəmoni ki Misrədə Cəmal Əbdulnaser zumandəti mərkəzədə be, çəvon miyonədə, hiç qılə təvafuği əncom nıbıə. Əmmo Əbdulnaseri mardey bəpeşt, və Sadati hukumətədə, Misri dıvləti siyosətədə təhəvolatoni icod bıə. Sadat ım təhəvolaton mərkəzədə 2 qılə yol və muhimmə siyosəti ğəror doşe. Çəy 1minnə həsəf de israili sulh iyən 2 minnə hədəf səvet hukuməti co kardey və bə ğərbi boloka nez kardey be.

Əmmo Miladi 1973 minnə sori Oktiyabrə manqi canqi bəpeşt, Amerkə dərkış karde ki karde zınəş ni  bə Ərəbi kişvəron roli bediğğət bıbu, və səyo cəhdış kardə ki həm de muxtəlifə təklifon sulh icod ko və həm bo ərəbi kişvəron və sionist rejimi miyono sazış icod kardeyədə de israili təziğon jintonədə ğəror doey vositə, qıləy hələkə roy peydo ko. Oktiyabri canqi soron bəpeşt, Amerkə rəsmi şəxson, xususi Henri kisincer və Cimi Karter miyono məsləhəti dumoədə, nəhayətən Miladi 1979 minnə sori Martə manqi 26 minnə rujədə, Ənvər Sadat iyən Beqini miyono Kəmp Deyvid nomo nəhsə təvafoğnomə imzo bıə.

Im sazışi xusiyətonku ım be ki ərəbon iyən israili miyono ixtilafon həl kardey bois nıbe, və çəy nəticədə Misr iyən israili miyono, sulh be. ım plani dumoədə, Fələstini ğərb, Ğəzzə tanqə iyən Colan, israili nıfuz iyən işğali jintonədə ğərorış qətə. Həğiğətədə Misr iyən israili duə rejimi miyono, Kəmp Deyvid nomo bıə təvafuğnomə imzo bey, məntəğədə sioniston vəoməy hərəkətonro qıləy icozə be.

Im təvafuğnomə qıləy zəmonədə imzo bıə ki İronədə İslamiyə inğilob səbarz bıə. və məntəğə iyən dınyoədə vey siyosi mıodiləon əvəz kardəş be.

İroni İslamiyə inğilob bə ozodi tələbə hərəkəton xususi Fələstini mubarizəon, tojə ulqu nışo doşe. İroni İslamiyə inğilobi səbarzəti Fələstini məsələ barədə qıləy tojə plan bəyon kardə və ə plan, muğavimət və de sionist rejimi sazış nıkardey be.

Xosə əməson bə ım bərnomə quş doe xoto şıməku təşəkkur kardəm, dəvət kardəm de tolışi Rədio bə ico bımandən və bə ımrujnə bərnoməon idomə quş bıdənən ki koy həmroon bə şımə xıdmət təğdim bəkan.