De Ğuds beynəlxalğə ruji mınosibəti bərnamə-5

De Ğuds beynəlxalğə ruji mınosibəti bərnamə-5

Əzizə duston səlom, şımə ruj bə xəyr bıbu, Rəməzan mıborəkə manqədə şıməro xəy, səadət və məğfirət urzu kardəm, dıvo kardəm şımə nımoj-rujəon ğəbul bıbun. əzizon de diğğət bə Rəməzan mıborəkə manqi oxonə cımə ruji nez bey ki bə İroni islamiyə inğilobi təsisəkə Həzrəte İmom Xomeyni(r)-i əmri əsos bənə Ğuds beynəl xalğə ruji onvan ğeyd bıə, bənə dəvardə rujon çand qılə bərnomə ğolibədə Ğuds beynəl xalğiyə ruji barədə sıhbət bəkamon, dəvət kardəm ımruj həm de ım bərnomə quş doe vositə dəmə bə ico bımandən.

Xosə həmzıvonon, ım bərnomədə  pidəmone Oslo təvafuğnomə bəpeşt, sioniston ziyodətələbtion mığobilədə, Saf nomo bıə təşkilati çand kərə bə peşo okıriye, həmçınin 2 minnə intifozə və Ğəzzə tanqəku sioniston xarıc bey bəpeşt, muğaviməti cəhbə vədə sioniston bə peşo okıriye barədə, sıhbət kəmon.

De ğərbi dıvləton və Fələstini kali qurupon sulhtələb siyosəton vıcudi, dınyo həmmə kişvəronədə, Ğuds beynəl xalğə ruji bərpo bey nışo doydə ki Fələstin iyən şərifə Ğudsi ozodi hədəf, həmçınan bəji mandə. Məçitoləğsaədə Fələstinıjon iştirok iyən israili işğalçiyon vədə  çəvon muğavimət həminə məsələ nımunəy. Baxtəri sahilədə, Fələstinıjon mıstəğilə təşkilatədə ısətnə vəziyət, nışo doydə ki israili be ğanuniyə rejim, hiç vaxt bəştə vədəon pobənd ni. Sioniston sazış muzakirəon iyən de ərəbi kişvəron rabitə normal kardey, bəştə təcavuzkoronə hərəkəton rəsmiyət doero bənə fırsət zıneydən. Miladi 1993 minnə sorədə Oslo nomo bıə sazışi təvafuğnomə imzo bey əvvəliku, sionist rejimi yolon həmişə mıstəğilə əşkilaton ixtiyoron məhdud kardey dumoədə bin.

Miladi 1995 minnə sorədə, sionistontələb kardışone ta Ğəzzə tanqə və Urdaniya ru Baxtəri sahil bə 3 məntəğə yəni mıvcudə hakımiyət, mıstəğilə hukumət iyən sionist rejim təğsim bəbe. Im tələbon, Misri Taba şəhrədə, Ğahirə təvafuğnomə ya Oslo2 nomo sazış icod bıə. Və de Ğahirədə mıstəğilə təşkilat iyən sionist rejimi vositə imzo bıə. əmmo sioniston bə ım təvafuğnomə həm əməl nıkardeşone. Safi rəhbəon siyosət, sioniston bədəhdi bərobərədə, bə xomə vədəon umidi dəbaste əsos bə peşo okırniye be.

Miladi 1993 minnə sori Oslo təvafuğnomədə Ərəfat iyən Safi co rəsmi şəxson de ım vıcud ki sioniston bənə be ğanuniyə rejim zıneydə bin, əmmo muvəffəğ nıbin ki Fələstini dıvlət iyən milləti həxi bəji kon.

Əzizon Vaxti Miladi 1999 minnə sorədə, Netanyahu zumandətiku bəkəno mande. İhuk Barak çəy əvəzi sionist rejimi i minnə vəzir mandə. Həminə sorədə Misr Şərmuşşeyxədə sionist rejim iyən mıstəğilə təşkilati miyono qıləy təvafuğnomə imzo bıə və çəyədə təyin be ki cəmədə 15 faiz 3 curnə mıstəğilə məntəğəon vəziyət əvəz bıbu, və komilən de mıstəğilə hukumti vositə kontorol bıbu, əmmo sioniston hiç vaxt bəştə təəhudon əməl nıkardeşone.

Həminə təvafuğnomədə ğəror bıə ki Fələstinıjon ki Miladi 1993 minnə sori Mayə manqi 4 minnə ruji dastqir bıə bin, ozod bıbun, çən 2 qılə mərhələdə 350 qılə Fələstinıjə əsir ozod bin. ım təvafuğnomə co qılə baxş bəĞəzzə tanqə iyən Baxtəri sahili şimoli iyən cənubiyə əmnə dəvardəco oj bey rəbtış be ki hiç vaxt hətto bə plan kəşey iyən icod kardey mərhələ həm nez nıbe.

əmmo, Miladi 2000 minnə sorədə, de 2 minnə intifozə bino bey həmzəman, bo  sazışi muzakirəon bəji kadey, Amerkə və Avropa dıvləton məşvərəton əlovə bıə. 2 minnə intifozə de Şaroni bə MəçitolƏğsa varid bey bino bıə ki Fələstinədə silohinə hərəkəton bino bey amil be. Fələstinıjon ki çimiku bənav İntifozədə de Sıği vositə bə deşməni tərəf həmlə kardə bin, ım kərə və de muğaviməti qurupon bə inkişof rəsey vositə de siloh muğabilə kardey, təcrubə kardən. Im kərə Fələstinıjon de muğavimət qurupon koməki silah ıştə dast qətəşone və bo sionist rejimi dəhşətinə ləzzəon icod kardeşone.

Muğaviməti qurupon təsiri jintonədə, vey mıstəğilə hukuməti əmniyyəti hərbion həm deştə silohon vositə, de sioniston canqi bino kardışone. Im təcrubə əlovə bə sionistonədə tars icod kardey, bə siloh istifodə kardey xoto, Fələstinıjon bə ıştə nəfsi etemo əlovə kardeşe.

Miladi 2002 minnə sorədə iyən 2 minnə intifozə jintonədə, de Şaroni vositə Ğəzzə tanqəku, Sionist rejimi xarıc karde fik icod bıə. əmələdə 2 minnə intifozə, islami muğaviməti bə silohinə mərhələ varidış karde. Im məsələ jəqo be ki bois bıə həmmə Fələstinıjonbə siloh istifodə kardey səmti hərəkət kon. Ğəzzə tanqədə vey cıvonon bə muğavimətiyə qurupon əlovə bıən və vey ailəon siloh soyb bin. Miladi 2005 minnə sori Avqustə manqi 15 minnə rujədə, Ğəzzə tanqəku xarıc bey plan icra bıə və Ğəzzə tanqədə 21 qılə sioniston məntəğə iyən Baxtəri sahili şimolədə 4 qılə qədə şəhr sionistonku teyli bıə. əmmo Miladi 2005 minnə sori Sentiyabrə manqi 15 minnə rujədə, Ğəzzə tanqə bo həmişə sionistonku pok be. və Fələstinıjon Ğəzzə tanqədə şo iyən idə mərosimi bərpo kardışone.

Mehribonon bə ım bərnomə quş doe xoto şıməku təşəkkur kardedəm. Dəvət kardəm bə co bərnoməon quş bıdənən ki koy həmron bə şımə xıdmət təğdim bəkan.