De Ğuds beynəlxalğə ruji mınosibəti bərnamə-6

De Ğuds beynəlxalğə ruji mınosibəti bərnamə-6

Səmimi həmzıvonon səlom, şımə cımə ruj bə xəyr bıbu, dıvo kardəm Xıdo dərqohədə şımə nımoj-rujəon ğəbul bıbun. əzizon ımruj Urdibeheştə manqi 9 minnə ruj və Rəməzanə mıborəkə manqi oxonə cımə ruje ki de İroni nizomi təsisəkə Həzrəte İmom Xomeyni(r)-i tədbiri əsos, Bə Ğuds beynəl xalğə ruji unvan nom noə bıə, ım bərnomədə həminə əzəmətinə ruji əhəmmiyəti barədə sıhbət bəkamon, dəvət kardəm dəmə bə ico bımandən.

Fələstini islamiyə muğavimət ki İroni islamiyə inğilob iyən Həzrəte İmom Xomeyni(r)-i nəzə və fikon jintonədə icod bıə, çəy təsisi əvvəliku sioniston hərəkəti vədə mane be və Fələstinədə de 2 qılə intifozə icod kardey vositə, tojə rufi icodış kardə.Miladi 2000 və 1987 minnə soronədə ım 2 qılə intifozəon icod bıən. Miladi 2005 minnə sorədə 2 minnə intifozə nəticədə, Ğəzzə tanqəku sionist rejim ixrac be, ki işğaliyə Fələstini Yəhodiyon ictimaədə həm ğəbulkardənin nıbe, ım məsələ sionist rejimi səmtiku de vızməti əncom bıə boçiki məcbur bin muğaviməti vədə bəpe təslim bıbun. Co tərəfiku iurdan ru ğərb sahilədə ım hərəkət tikrori vəy qəteyro əvon ıştə ətrofədə yolə divo icod kardışone.

Im zumandə hərəkət ki Miladi 2000 minnə sorədə Livani muğaviməti səbarzəti iyən Livani cənubiku sioniston ixrac bey dumoədə icod bıə, qıləy prossesi əvvəl be ki çəy idomədə vey muvəffəğiyəton bois bıə. ım məsələon həmmə sobit kardə ki sioniston fəğət muğaviməti zıvoni fahmedən. Sioniston har çəxtə ki muğaviməti mehvəri tərəfiku təziğon jintonədə bıbun, bə Fələstinıjon ələyh cinoyətkorə hərəkəton iyən rəftoron əlovə kardən. Dəvarəd soronədə sioniston çand kərə bə Ğəzzə tanqə həmlə kardə bin və çand həzo jen iyən hrdəni şəhid kardeşone. əmmo ım ğətliam, sionist rejimi vədə mubardizədə Fələstinıjon vey ğoym kardışe. Jəğo ki ım sioniston bin ki daveon sə kardey iyən otəş basti dumoədə bin. bə Fələstinıjon ələyh cinoytədə Sionist rejim, har zəmon və de har surəti, Amerkə, avropa kişvəron və co qılə kişvəron həmmə tərəfiyə himoyəti soybin. Im miyonədə ım Fələstini məzlumə millətin ki vey məzlumanə surəti işğoliku ıştə sərzəmini mudafiyə kardən.

Ğuds beynəl xalğə ruj bo Fələstini məzlumə millətiku himoyə iyən Fələstin və Şərifə Ğudsi ozodəti hədəfon bəji kardeyro qıləy fırsəte.

kali Ərəbi kişvəron de sionist rejimi, ıştə rabitəon normal və rəsmi kardey xoto, nışo doydən ki bə islami və ərəbi kişvəron xususi Fələstini milləti ələyh, sionist rejimi cinoyəton qıləy adiy məsələy.

Oşkoe ki kali ərəbi kişvəron de israili əloğəon normal kardey bənə İbrahimi nomo bıə sazışi vositə, be diğğət bə Fələstinıjon muşkilaton iyən vəziyət əncom bəbe iyən həminə məsələ Fələstinıjon muxalifəti bois bıə. İbrahim nomo bıə sazış nə fəğət Fələstini milləti muşkilaton həl nıkardə bəlkəm de islami kişvəron miyono təfrəğə icod kardey hədəfi əncom bıə. sionist rejimi hərəkət, de məntəğə əmniyyət və nəzmi məhv kardey, bə çəy işğolçiyəti vey əlovəş kardə, məntəğə dıvləton xususi Suriyə və livani hakımiyəti ləğv kardey iyən oşko surəti məntəğə kişvəron təhdid kardey ım məsələ sobutəkəy.

Əmmo de sionist rejimi imzo bıə ım nəhsə təvafuğnomə bois nıbe ki Fələstini avarə iyən məzlumə milləti hədəfon yodiku məhv bıbu. Ğuds iyən Fələstini sərzəmin nə fəğət bo Fələstinıjon ki bo həmmə dınyo mısılmonon və ozodi tələbon vey muhimm iyən erjin bə hisob omeydə. Fələstin İlahi yolə dinon mənbə iyən Məçitoləğsa mısılmonon iminnə ğiblə bə hisob omeydə. Kərimə Ğıronədə Məçitoləğsa nom Əsra surə i minnə ayədə ome, həmonə ayə ki Xıdo çəyədə bə Xıdo Rəsul(s)-i meraci işorəş kardə və hamiyəşe:

“
Iştə nışonəon nışon doeyro bəşəvnəy ıştə bandə çı Məscidul-Həramiku tosə bəçəy ətrofi bərəkətımon doə Məscidul-Əğsa bardə ə(Xıdo) pok iyən mınəzzəhe. Əv əməs iyən vindedə.”

Məçitoləğsa 14 soriku vey bəbe ki, Xıdo Rəsul(s)-i besəti bəpeşt, mısılmononro ğiblə be.

Fələstin torixi və mədəniyət cəhəto çı islami şəxsiyəti soybe və sioniston har çəxtə ki cinoyət, və Fələstinıjon avarə kon iyən Şərifə Ğudsi strukturi əvəz kardey dumoədə bıbun, karde zınəşon ni ki Fələstini torix iyən 7 milyoniku vey  bıə Fələstinıjon avarə kon. Rəməzanə manqi oxonə cımə rujədə, Ğuds beynəl xalğə ruj, iyən cımə nımoji vırəonədə mısılmonon hərorətinə iştirok nışo doydə ki Fələstin iyən şərifə Ğudsi ozodi hədəf  həmçınan bəji mandəy.  

Əzizə əməson bə ım bərnomə quş doe xoto şıməku təşəkkur kardm.

Şımə ibodəton ğəbul bıbu.