Ҳазрат Фотима /с/ шаҳодат куни муносабати билан барча мусулмонларга таъзия билдирамиз!
Бугун чоршанба 2020-чи йил 29 январь, ҳижрий-қамарий 1441 йил жимодиюссоний ойининг 3 санаси, ислом пайғамбари Ҳазрат Муҳаммад /с/нинг азиз қизлари ҳамда муъминлар амири ҳазрат Али /а/нинг умр йўлдоши Ҳазрат Фотима саломуллоҳи алайҳонинг шаҳид бўлган санага тўғри келади.
Меҳрибонлик, поклик ва эзгу фазилатлариниг намунаси бўлган ушбу буюк аёл яъне Ҳазрат Фотима /с/ шаҳодати кечасида Эрон ислом жумҳуриятининг мусулмон халқи мотам маросимларини ўтказишади.
Аҳли байт ва исмат таҳорат пайравлари Эроннинг турли минтақаларидаги масжидлар, ҳусейниялар айниқса муқаддас машҳад шаҳридаги Ҳазрат Имом Ризо /а/ пок ҳарамлари ҳамда Қум шаҳридаги Ҳазрат Маъсума /с/ нинг малакутий ҳарамарига бориб расули акрам /с/нинг азиз қизлари Ҳазрат Фотимаи Заҳро шаҳодат топган кунида мотам тутиб азо маросимларини ўтказишади.
Айтиш жоиздирки, расули акрам Ҳазрат Муҳаммад /с/нинг азиз қизлари Ҳазрат Фотимаи Заҳро /с/ пайғамбаримиз беъсатининг 3 чи йили жимодиюссоний ойининг 20 чи кунида Маккаи мукаррама шаҳрида дунёга келгандилар.
Ушбу буюк аёл болалигидан ўз падари бузургворлари Ҳазрат Муҳаммад /с/ қарамоғи, ҳидоятлари ва тарбияти билан илоҳий маърифат билан танишдилар.
Ҳазрат Фотимаи Заҳро уша вақтдаги золим ҳокимлариниг зулм истибдоди ҳамда падари бузургворларининг вафотидан кейин дучор бўлган ранж ва қайғу натижасида /айрим ривоятларга кўра ҳижрий- қамарий 11 чи йил жимодиюлаввал ойининг 13 куни ва бошқа ривоятларга қараганда жимодиюссоний ойининг 3 санасида/ шаҳид бўлдилар.
