Қирғизистон Петербургдаги теракт ижрочиси ўз фуқароси эканини тан олди

Санкт-Петербургдаги теракт ижрочиси Россия фуқаролигига эга қирғизистонлик томонидан содир этилган бўлиши мумкин. Қирғизистон Миллий хавфсизлик давлат қўмитаси шундай эҳтимолни истисно этмаган.

Кун.ўз сайтига кўра, «Ҳа, дастлабки маълумотларга кўра, Санкт-Петербургда 3 апрель кунги портлаш Россия паспортига эга Қирғизистон фуқароси», деган махсус хизмат расмийси Рахат Сулайманов «Интерфакс» агентлиги мухбирига.

Аниқлик киритилишича, метрода ўзини портлатгани гумон қилинаётган шахс 1995 йили Қирғизистон жанубидаги Ўш шаҳрида туғилган Акбаржон Жалилов.

У бу масалада Россия томони билан доимий алоқада бўлиб турилганини қўшимча қилган.

Петербургдаги портлашни қозоғистонлик содир этгани айтилди, Қозоғистон муносабат билдирди

Бундан олдинроқ келиб чиқишига кўра ўрта осиёлик бўлган шахс портлаш ташкилотчилигида асосий гумондорга айлангани хабар қилинганди.

Қирғизистон ўз фуқароси Петербургдаги портлаш ижрочиси сифатида гумонланаётганига изоҳ бермади

3 апрель Москва вақти билан соат 14.30да Санкт-Петербург метросининг «Сенная площадь» ва «Технологический институт-2» станциялари ўртасидаги йўлда кетаётган метро поездида портлаш юз берган. «Площадь Восстания» станциясида қўйилган портловчи модданинг ўз вақтида аниқланиши эвазига яна бир портлаш олди олинган. 

Ушбу портлаш қурбонлари сони 14нафар, жароҳатланган ҳолда шифохонага ётқизилганлар сони 51 нафарга етган. 

Портлаш ижрочилигида гумон қилинган шахс полицияга келди, бошқа гумонланувчи сурати пайдо бўлди

Ижтимоий тармоқларда Санкт-Петербург метросидаги портлаш ижрочилигидаги асосий гумондор суратлари тарқатилди. 

Ушбу суратлар Қирғизистоннинг Ўш шаҳридан бўлган 22 ёшли Акбаржон Жалиловга тегишлидир.

Бундан олдинроқ Қирғизистон Миллий хавфсизлик қўмитаси мамлакат фуқароси Акбаржон Жалилов Петербургдаги теракт ижрочилигидаги асосий гумондор эканини маълум қилганди.