Назарбоевнинг қизи Қозоғистон Сенати спикери этиб сайланган
март 20, 2019 14:53 Asia/Tashkent
Бугун Қозоғистон парламенти палаталарининг қўшма йиғилишида Дарига Назарбоева Сенат спикери этиб сайланди.
Яширин овоз бериш жараёнида 44 нафар сенатор иштирок этди. Уларнинг барчаси номзодни қўллаб-қувватлади.
Дарига Назарбоева 1963 йилда туғилган. Москва давлат университети ва Қозоқ давлат университетини тамомлаган. У охирги пайтда Сенат халқаро муносабатлар, мудофаа ва хавфсизлик қўмитасини бошқараётганди.
Маълумот учун, Дарига Назарбоева Қозоғистон президенти лавозимини эгаллаган Қосим-Жўмарт Токаев ўрнига спикер этиб сайланди.
