Россия АҚШнинг коинотга нисбатан иккиюзламачи ёндашувини танқид қилмоқда
-
Россия АҚШнинг коинотга нисбатан иккиюзламачи ёндашувини танқид қилмоқда
Россия ташқи ишлар вазири Сергей Лавров АҚШнинг Москвани сунъий йўлдошларга қарши қуроллардан фойдаланиш ва коинотда таҳдидлар яратишда айблашини “иккиюзламачилик” ва “ҳақиқатга тўғри келмайдиган” деб атади.
Лавров буни аниқ айтди: “Биз Қўшма Штатлар туҳмат қилиш ўрнига музокаралар столига ўтиришини ва қуролланиш пойгасини олдини олиш бўйича Россия-Хитой келишуви бўйича ўз таклифларини билдиришини маъқул кўрамиз”.
Ушбу баёнот Давлат котиби Энтони Блинкеннинг Россия сунъий йўлдошга қарши ракета синовини танқид қилганига жавоб сифатида янгради. Энтони Блинкен ўз баёнотида Россия 15-ноябр, душанба куни ўз сунъий йўлдошларидан бирини тўғридан-тўғри учириб, йўлдошга қарши ҳалокатли ракета синовини ўтказганини эълон қилди. Бир томондан Давлат департаменти матбуот котиби Нед Приcе ва Пентагон воизи Жон Кирби, бошқа томондан Пентагон Мудофаа вазири Майк Уоллес Россиянинг ҳаракатини қоралади.
Энди бир томондан Россия ва Хитой, иккинчи томондан АҚШ ўртасидаги космик рақобатда томонлар бир-бирини ёлғончилик ва иккиюзламачиликда айбламоқда. Бироқ, уч давлатнинг космик ҳаракатлар ва дастурларига назар ташласак, Вашингтон амалда коинот назорати учун улкан йўлдан бораётганини кўрсатади. Россия ва Хитойнинг бу борадаги ҳаракатлари аслида АҚШнинг коинот фаолиятига муносабатдир.
Қўшма Штатлар собиқ президент Доналд Трамп президентлиги давридан бери ўзининг космик имкониятларини ривожлантиришда катта муваффақиятларга эришди. 2018-йил июн ойида Трамп Пентагонга АҚШ Қуролли Кучларининг бўлими сифатида Космик қуролли кучларини ташкил этишни буюрган эди. Шундай қилиб, АҚШ космик ҳарбий-ҳаво кучлари 2019-йил август ойининг охирида расман ўз фаолиятини бошлади. Ўшандан бери Вашингтон космосни ҳарбийлаштириш учун муҳим қадамлар қўймоқда. АҚШ Космик қўмондонлигининг операцияси билан Пентагонга космик қуролларни, айниқса ракетага қарши қуролларни, жумладан лазер қуролларини ишлаб чиқиш, синовдан ўтказиш ва жойлаштириш имконияти берилди.
Вашингтон ўз ҳаракатларини оқлаш учун сўнгги йилларда АҚШ душманлари, хусусан, Россия ва Хитойдан коинот таҳдидлари кучайганини ва улар коинотда уруш қуролларини жойлаштиришга интилаётганини даъво қилиб келади.
АҚШ стратегик қўмондонлигининг собиқ раҳбари, адмирал Сесил Ҳаней шундай дейди:Қўшма Штатлар душманларнинг потенциал имкониятларини кўпроқ ўрганиши ва космик фаолиятлар бюджетини ва умумий тайёргарликни ошириши керак.
Қўшма Штатларнинг кенг кўламли космик операциялари рақиблари томонидан танқид остига олинган. Жумладан, Россия АҚШни огоҳлантирди. Россия Вашингтонни ўтмишдаги хатоларни такрорламасликка чақириб, коинотдаги ҳарбий қарама-қаршилик ядровий қуролланиш пойгаси каби хавфли бўлиши мумкинлигини айтди. АҚШнинг мақсади ўзининг асосий рақиблари Россия ва Хитойни ҳарбий рақобат ва қурол пойгаси майдонига олиб чиқиш. 2014-йилда Россия БМТ Бош Ассамблеясига коинотда қурол-яроғ жойлаштирилишининг олдини олиш бўйича резолюция лойиҳасини тақдим этган эди. Аммо бунга АҚШ ва унинг иттифоқчилари қарши чиқди. Москва АҚШнинг коинотда қурол жойлаштириш режаларини тилга олиб, Вашингтонни Россия қуролсизланиш бўйича ҳаракатларига қарши чиқишда давом этаётгани учун танқид қилди. Дарҳақиқат, Қўшма Штатлар дунёдаги энг юқори ҳарбий куч сифатида ўз мавқеини мустаҳкамлаш учун космосни ўзининг ҳарбий фаолияти учун макон қилишга ҳаракат қилмоқда. Охир оқибат, ушбу жараён тартибсизликни кучайтириши ва глобал хавфсизликка путур этказиши муқаррар.
