Pars Today

Сионистик режим ва Фаластин қаршилик гуруҳлари ўртасида Ал-Ақсо тўфони амалиёти билан тўқнашувларнинг янги босқичи бошланиши ва сионистларнинг бу ҳаракатга кучли муносабати билан Америка Исроилнинг стратегик иттифоқчиси сифатида унга бир қатор сиёсий, дипломатик ва ҳарбий ёрдам кўрсатди. Энди Вашингтон бу йўналишда янги қадамлар ташлади.

Америка энди Европа давлатларига ХАМАСга қарши санксияларни кенгайтириш ва кучайтириш учун босимни оширди. Губернатор Адимо (1), АҚШ молия вазирининг ўринбосари, Вашингтон ҳамфикр давлатлар билан “коалиция” тузмоқчи эканлигини маълум қилди, чунки у ХАМАС томонидан санксияларни четлаб ўтишига йўл қўймаслик ниятида. У Американинг бошқа Европа давлатлари ва юрисдикциялари билан ҲАМАСнинг санксияларни четлаб ўтишга қаратилган саъй-ҳаракатларини тўхтатиш учун ҳамкорлик қилишига умид билдирди. Бу музокаралар АҚШ ҲАМАСга алоқадор амалдорлар ва молиявий тармоқларга қарши санксияларнинг иккинчи босқичини жорий қилган пайтда олиб борилмоқда. Янги чора-тадбирлар Ҳамаснинг махфий инвестиция портфелидаги активлари ва гуруҳга санксияларни четлаб ўтишда ёрдам берган шахсларга қаратилган. Вашингтон 1997 йилда ХАМАСни хорижий террорчи ташкилот деб эълон қилган. Яқинда Европа Иттифоқи ва Буюк Британия ҳам ушбу гуруҳни террорчи гуруҳлар рўйхатига киритди. Аммо Американинг иттифоқчилари ХАМАС етакчиларини санксия қилишда Вашингтон даражасигача боргани йўқ.

Бошқа томондан, АҚШ Конгресси Вакиллар Палатаси сионистик режимга шошилинч ҳарбий ёрдам учун ажратиладиган бюджетни Украинага ёрдам ва АҚШ чегара хавфсизлиги учун ажратиладиган бюджетдан ажратиш ниятида. АҚШ Конгресси Вакиллар палатасининг ташқи ишлар қўмитаси раиси Майкл Маккол шундай деди:Биз буни қилмоқчимиз, чунки Исроилнинг бу ёрдамга муҳтожлиги фавқулодда. Бу борада республикачилар томонидан ишлаб чиқилган қонун лойиҳаси шу ҳафта Вакиллар палатасида кўриб чиқилиши керак. Бу қонун лойиҳаси маъқулланса, сионистик режимга 14,3 миллиард долларлик ёрдам ва Америка қурол омборларидан ушбу режимга жиҳозлар етказиб берилишини таъминлайди.

Шундай қилиб, Америка сионистик режимнинг ҳар томонлама қўллаб-қувватлашига мувофиқ, нафақат ҳаво кўприги яратиб, сионист армия кучларининг Ғазога ҳужумида фойдаланиш учун зирҳли машиналар каби ҳар хил ўқ-дорилар ва қуролларни ҳам тақдим этди, балки, ҳозир имкон қадар ҲАМАСни санксия қилиб, бу Фаластин қаршилик гуруҳини заифлаштиришга ҳаракат қилмоқда. Шу билан бирга, Вакиллар Палатасида республикачиларнинг кўпчилигини ва уларнинг сионистик режимни имкон қадар қўллаб-қувватлаш зарурлиги ҳақидаги ёндашувларини ҳисобга олган ҳолда, энди бу режимга молиявий ёрдамни Байденнинг фавқулодда ёрдам пакетининг қолган қисмидан ажратиб, улар имкон қадар тезроқ сионгистик режимга жўнатмоқчи. АҚШ вице-президенти Камала Харрис якшанба куни Вашингтон сионистик режим ёки Ғазога жанговар қўшинлар юбориш ниятида эмаслигини айтди.Америка Исроилга нима қилиш кераклигини айтмайди, лекин бу режимга маслаҳат, жиҳоз ва дипломатик ёрдам беради.

Байден маъмуриятининг Сионистик режимга нисбатан протекционистик ёндашувига ва Ғазо урушидаги ҳар қандай ўт очишни тўхтатишга қарши туриш соҳасида у билан бирлашишига қарамай, аммо янги фактлар, яъни Ҳамас кучларининг сионистик кучларнинг чекланган қуруқлик ҳужумларига қаттиқ қаршилик кўрсатиши Вашингтоннинг аввалги позициясини ўзгартиришига сабаб бўлди. Афтидан, босқинчиларга қарши қаршиликнинг қаттиқ зарбалари Американинг аввалги позицияларидан чекинишига сабаб бўлди. Шу муносабат билан Америка Миллий хавфсизлик маслаҳатчиси Жейк Салливан СБС телеканалига берган интервьюсида бу минтақадаги асирларни озод қилиш учун Ғазода вақтинчалик ўт очишни тўхтатишни қўллаб-қувватлаймиз, деди. Бундан олдинроқ, Жон Кирби, Америка Миллий хавфсизлик кенгаши матбуот котиби маълум қилди:Вашингтон сионистик режимнинг Ғазо секторига ҳар қандай операция ва ҳужумини тўлиқ қўллаб-қувватлайди ва бу режим учун ҳеч қандай чеклов ёки қизил чизиқ қўймайди.

Албатта, Ғазо атрофидаги чегара тўқнашувлари ва қаршиликнинг сионист армияга етказган қаттиқ зарбалари ҳамда ишғолнинг Ғазога қуруқликдан ҳужум қилиш қийинлиги ва мураккаблигини тан олиши Байден ҳукуматининг ўз позициясидан нисбатан чекинишига таъсир қилгани шубҳасиз. Афтидан, вақт ўтиши ва сионистлар армиясининг Ғазо секторидаги ўз олдига қўйган мақсадларига эришишдаги муваффақиятсизликлари билан Вашингтон Ғазо уруши бўйича аввалги позицияларини ўзгартиришга мажбур бўлади.

• Сионистик режим армияси Ғазога қуруқликдан ҳужум уюштира олмаслигини тан олди