Тошкент аэропортида Исроил собиқ аскари 13 дона ўқ билан ушланди
март 13, 2017 13:48 Asia/Tashkent
Самолётга чиқиш чоғида унинг юклари орасида патронлар борлиги маълум бўлган
ТОШКЕНТ, 13 мар — Sputnik. Тошкент аэропортида Исроил армияси ЦАХАЛда хизмат муддатини якунлаган аскар қўлга олинди: унинг юклари орасидан 13 дона патрон топилган, деб хабар бермоқда nuz.uz.Хабарда айтилишича, у Ўзбекистон орқали Таиландга дам олишга кетаётган бўлган. Самолётга чиқиш чоғида унинг юклари орасида патронлар борлиги маълум бўлган. У Тошкент аэропортининг вақтинчалик сақлаш изоляторида сақланмоқда. Исроилнинг Ўзбекистондаги консули аскарнинг ҳолидан хабар олган. Исроил ТИВ ҳибсга олинган аскарга ёрдам кўрсатишга уринмоқда, дейилади хабарда.