Ражаб Тойиб Эрдўған Ўзбекистонга давлат ташрифи билан келди
-
Ражаб Тойиб Эрдўған
Туркия президенти давлат ташрифи билан Ўзбекистонга келди.
Кун.уз сайтига кўра Тошкент аэропортида Ўзбекистон Республикаси бош вазири Абдулла Арипов меҳмонни кутиб олди.
Таъкидлаш жоизки, Эрдўған Ўзбекистонга бир неча кунлик ташрифи доирасида Тошкентда Ўзбекистон президенти Шавкат Мирзиёев билан учрашади, Олий Мажлисда чиқиш қилади ва икки мамлакатнинг етакчи банклари ҳамда компаниялари раҳбарларининг бизнес-форумида иштирок этади.
Туркия президентининг Тошкентга парвоз олдидан айтган сўзларига кўра, у 1 май куни кўҳна Бухорога бориб, Буюк Ипак йўли ўтган қадимий шаҳарни зиёрат қилади.
"Бухорога ташриф катта аҳамиятга эга. Туркия Ўзбекистонда Имом Ал-Бухорий номидаги Халқаро илмий-тадқиқот маркази ва Имом Мотурудий номидаги ислом тадқиқотлари марказини ишга туширишни режалаштирмоқда. Бу масалани ўзбек ҳамкасбим билан муҳокама қилганмиз ва тегишли келишувга эришганмиз. Ташриф давомида барча масалалар ишлаб чиқилади. Айнан шунинг учун ҳам Ўзбекистонга катта делегация йўл олмоқда", - деди президент.
