Ислом Каримов шифохонада: энди нима бўлади?

Спутник Ўзбекистон мухбирлари ҳозирда вужудга келаётган вазият борасида маҳаллий экспертлар фикрини билишга қизиқди.

ТОШКЕНТ, 29 авг — Sputnik. Ўзбекистон Президентининг шифохонага ётқизилгани ҳақидаги хабар нафақат маҳаллий, балки, дунё ОАВларида катта шов-шувларга сабаб бўлди.

Биринчи версия: ҳақиқатга яқини Ўзбекистон Президенти жиддий бетоб, бунга ҳеч ким шубҳа қилмаяпти. 25 йил деганда биринчи марта ҳукумат давлат раҳбарининг касаллиги ҳақида эълон қилгани ҳам бу фактни тасдиқламоқда.

Бундан олдин ҳам турли ОАВларда Ўзбекистон Президентининг бетоблиги, кома ҳолатида ётгани ёхуд инсультга чалингани ҳақида кўплаб маротаба хабар қилинган. Аммо расман биринчи маротаба эълон қилиняпти, демак, энг камида, бу ҳолатни жиддий қабул қилмоқ лозим. Ҳозирда мавжуд қонунчиликка кўра, Президент давлат органлари ёки мансабдор шахсларга ўз ваколатларини ўтказиши мумкин эмас, шу боис, касаллик чўзилиб кетгани туфайли, Ислом Каримов бошқарувни бошқа шахсга расман топшира олгани йўқ. Шундай экан, агар амалдаги давлат раҳбари жиддий бетоб бўлса, унда, қуйидаги механизм ишга тушади: Президент ваколатлари ва мажбуриятлари вақтинчалик Ўзбекистон Республикаси Олий Мажлиси (Юқори Парламент) сенати Раиси Нигматулла Йўлдошевга ўтказилади. Бу шахс халққа унчалик яхши танишмас, у шунингдек, сиёсий вазнга ҳам эгамас. У бутун фаолияти давомида прокуратура ва адлия органлари тузилмаларида меҳнат қилган, шу боис, ҳукуматнинг янги Президентга ўтишини таъминлайдиган техник-шахс бўлиб хизмат қилиши ҳақиқатга яқин. Айнан унга республикага янги раҳбар тайинлаш учун уч ой вақт ичида сайловларни ташкил этиш топшириғи юклатилади. Шу кечаю-кундузда 35 ёшдан кичик бўлмаган, ўзбек тилида бемалол гапира оладиган, Ўзбекистон ҳудудида яшаб келган ва охирги ўн йил ичида республика яшаган шахс Ўзбекистон Республикаси президенти этиб сайланишимумкин.