Ўзбекистон президенти Тожикистон сафаридан Тошкентга қайтди
сентябр 28, 2018 19:12 Asia/Tashkent
Ўзбекистон Республикаси президенти Шавкат Мирзиёевнинг Тожикистонга қилган сафари якунланди.
Бу борада президент матбуот хизмати маълум қилди.
Шавкат Мирзиёев 27 сентябрь куни Тожикистон Республикаси президенти Имомали Раҳмон билан учрашди. Президентлар Душанбе ва Турсунзода шаҳарларида қатор объектлар ва узум боғларини бориб кўришди. Ўзбекистон президенти 28 сентябрь куни Мустақил Давлатлар Ҳамдўстлиги Давлат раҳбарлари кенгаши мажлисида иштирок этди.
Ўзбекистон делегацияси Тошкентга жўнаб кетди. Душанбе халқаро аэропортида Шавкат Мирзиёевни Тожикистон Республикаси бош вазири Қоҳир Расулзода кузатиб қўйди.