НАТО мутахассислари ўзбек ҳарбий ўқитувчилари малакасини оширишга кўмаклашмоқда
-
НАТО мутахассислари
НАТО мутахассилари Ўзбекистон Қуролли Кучлари академиясида маъруза қилиб, ҳарбий ўқитувчиларининг малакасини ошириш бўйича маслаҳат берди.
24-27 сентябр кунлари НАТОнинг Бирлашган кучлар қўмондонлиги штаб-квартираси мутахассислари томонидан руҳий ва ахборот амалиёти мавзусида машғулотлар бўлиб ўтди. Бу ҳақда Мудофаа вазирлиги матбуот хизмати хабар қилди
Ўқув машғулотлари академиянинг профессор-ўқитувчилари учун ўтказилди. Тўрт кун давомида НАТО Бирлашган кучлар қўмондонлиги майори Уард Мишел-Терезе, подполковниклар Рузич Дроган ҳамда Сиверцен Гуннер маъруза қилиб, ўқитувчиларнинг малакасини ошириш бўйича маслаҳатлар беришди.
Ўзбекистон Қуролли Кучлари академияси кўплаб халқаро ташкилот ва етакчи хорижий мамлакат армияларининг таълим муассасалари билан ҳамкорликни йўлга қўйган бўлиб, ҳарбий кадрлар малакасини ошириш йўлида бу каби ўқув машғулотларини мунтазам ташкиллаштириб келади.
