Ўзбекистон ва Беларусь ўртасидаги товар айланмаси 145 млн доллардан ошди

Ўтган йилнинг январь-ноябрь ойларида Ўзбекистон ва Беларусь ўртасидаги товар айланмаси 145,2 миллион АҚШ долларини ташкил этди, бу 2017 йилнинг шу даврига нисбатан 28,5 фоизга кўп.

Беларуснинг Тошкентдаги элчихонаси маълумотларига кўра,  Ўзбекистонга экспорт ҳисобот даврида 30,1 фоизга ошди - 106,1 млн АҚШ доллари. 2018 йил январь-ноябрь ойларида Ўзбекистондан импорт 38,8 млн долларга тенг бўлди, бу 2017 йилнинг шу даври билан таққослаганда 24,4 фоизга кўп.

Беларусь ва Ўзбекистон хизматларида ташқи савдо ҳажми 32,6 млн АҚШ долларини ташкил этди (4,2 мартага ошди), шу жумладан, Ўзбекистонга Беларусь хизматлари экспорти 29,9 млн долларни (4,9 мартага ортди), импорт - 2, 7 млн долларга (+65,5%) тенг бўлди.

• Ўзбекистон ва Беларусь ўртасида ҳамкорлик бўйича йўл харитаси имзоланди

• Ўзбекистон—Беларусь—Тожикистон ўртасида меморандум имзоланди