Коронавирус туфайли Ўзбекистондаги барча мактаблар, боғчалар ва ОТМлар ёпилади

Коронавирус сабаб, Ўзбекистонда барча мактабгача таълим муассасалари, мактаблар ва олий таълим муассасалари 16 мартдан эътиборан карантинга ёпилади.

Дарё сайтига кўра,  бу ҳақда бугун Ўзбекистон бош вазири Абдулла Арипов иштирокидаги йиғилишда маълум қилинган. Манбаларнинг таъкидлашича, таълим муассасаларидаги карантин уч ҳафтагача давом этиши мумкин.

Аввалроқ, 15 март куни Ўзбекистонда коронавирусга чалинган илк фуқаро қайдга олингани эълон этилганди.

Сўнгги маълумотларга кўра, бемор аёлнинг барча оила аъзолари тиббий кузатувга олинган.

• Коронавирус Ўзбекистонда! /чалиниш билан боғлиқ биринчи ҳолат/