Ўзбекистонлик таэквондочи Улуғбек Рашидов Олимпиада тарихида илк бор финалга чиқди
-
Ўзбекистонлик таэквондочи Улуғбек Рашидов Олимпиада тарихида илк бор финалга чиқди
19 ёшли Улуғбек Рашидов босниялик рақибини тор-мор қилиб финалга чиқди.
Япониянинг Токио шаҳри мезбонлик қилаётган Олимпиадада 25 июль куни таэквондо бўйича ярим финал баҳсларида Ўзбекистонлик таэквондочи Улуғбек Рашидов финал йўлланмаси учун кечган баҳсда Босния ва Герцеговина вакили Недзад Ҳушичга қарши даянга чиқди деб хабар қилган Дарё сайти
Улуғбек биринчи раундни 14:1 ҳисобида ўз фойдасига ҳал қилди. Ўзбекистонлик спортчи иккинчи раундни ҳам фаол ўтказди ва қимматли очколарни ўз ҳисобига ёздириб қўйди. Ўртача темпда ўтган учинчи раунд ҳам Рашидов фойдасига ҳал бўлди.
Шу тариқа Рашидов 28:5 ҳисобида ғалаба қозониб, финалга чиқди. Ўзбекистон тарихида илк бор таэквондочи Олимпия ўйинлари финалига чиқди. Қайд этиш жоиз, Ўзбекистоннинг Токио Олимпиадасидаги илк медали нақд, фақат унинг кумуш ёки олтин бўлиши финал жангидан сўнг маълум бўлади.
Финалда Улуғбек Бредли Синден ва Шуаи Жао жуфтлиги ғолибига қарши жанг қилади. Финал 25 июль кунининг кечки дастуридан ўрин олган бўлиб, Тошкент вақти билан 17:45 дан сўнг старт олади.
