Эроннинг Ҳурмуз бўғозидаги йўли орқали кемаларнинг аксарияти ўтмоқда
«Кеплер» денгиз маълумотларини кузатиш компанияси Ҳурмуз бўғозидан ўтаётган кемаларнинг мутлақ кўпчилиги Эрон томонидан белгиланган йўналиш орқали ҳаракатланганини маълум қилди.
Порс Тудий хабар қилишича, «Кеплер» денгиз маълумотларини кузатиш компанияси маълумотларига кўра, Ҳурмуз бўғозидан ўтган жами 11 та кеманинг 9 таси Эрон сувларига яқин бўлган йўналишни танлаган. Бу кемалар асосан хом нефть, нефть маҳсулотлари, суюлтирилган газ, метанол ва темир рудасини ташиш билан шуғулланган ҳамда Эроннинг денгиз савдоси билан боғлиқ бўлган.
Минтақада кескинлик кучайиши ва денгиз чекловлари ортиши билан айрим кемачилик компаниялари хавфни камайтириш мақсадида Ҳурмуз бўғозидаги ўтиш йўналишларини ўзгартирган. Кеплер баҳосига кўра, сўнгги ойларда Эрон соҳилларига яқин йўналишдан фойдаланиш ортиб бормоқда.
