Европарламентга янги раҳбар тайинланди
Январ 18, 2017 10:31 Asia/Tashkent
Италиялик сиёсатчи Антонио Таяни Европа парламентининг янги раҳбари лавозимига сайловларда ғолиб бўлди.
Италиялик сиёсатчи Антонио Таяни Европа парламентининг янги раҳбари лавозимига сайловларда ғолиб бўлди. Бу ҳақда парламент сайтида маълум қилинди.
Европарламент маълумотларига кўра, Таяни 351 овоз, унинг рақиби Жанни Пителла 282 овоз тўплаган. Таъкидланишича, бирорта ҳам номзод мутлақ кўп овоз тўплай олмаган.
Таяни фаолияти давомида икки маротаба Европа парламентининг транспорт ва саноат масалалари бўйича еврокотиби лавозимини эгаллаган.
Ноябрда Европарламент раҳбари Мартин Шульц янги муддатга номзодини қўймаслигини маълум қилганди.