Вашингтоннинг коррупциялашгани эътироф этилди
Америка федерал давлатининг бюждетини тузишга кўмаклашувчи энг юқори расмийларидан бири Вашингтонни коррупциялашган дея атади
Меҳрибон ва раҳмли Аллоҳ номи билан.
Ассалому алайкум, қадрли тингловчилар.
Таҳлилий эшиттиришнинг бугунги сонини эътиборингизга ҳавола этаман.
Бугунги суҳбатимиз "Вашингтоннинг коррупциялашгани"га доир мавзуга бағишланади.
Эшиттиришимизни охиригача бизга ҳамроҳлик қиласиз деган умиддамиз.
Америка федерал давлатининг бюждетини тузишга кўмаклашувчи энг юқори расмийларидан бири Вашингтонни коррупциялашган дея атади. Америка давлатининг бюджет ва бошқариш идорасининг мудири Майк Мулвини республикачиларнинг беморларни ҳимоя қилишга доир Абамакар номидаги қонунни бекор қилишга қаратилган саъй-ҳаракатлари натижасиз тугади деб таъкидлади. АҚШ Республикачилар партияси Абамакар номи билан машҳур бўлган қонунни бекор қилиши кутилган қонун лойиҳасини қайтариб олди. Барак Обаманинг соғлиқни сақлаш тизимидаги ислоҳотини бекор қилиш Дональд Трампнинг сайловолди пойгаси ҳамда лавозимига киришгандаги асосий ваъдаларидан бири эди. Бироқ, лойиҳанинг овоз беришда омадсизликка учрашининг олдини олиш мақсадида партия раҳбарияти шундай қарор қилган. Республикачиларнинг мазкур қонун лойиҳаси Конгрессда Оқ уй томонидан фаол равишда ҳимоя қилинганига қарамай, маъқул келмаган. Дональд Трамп вазифасига киришишдан аввал, Обама маъмурияти томонидан қабул қилинган қонунларнинг аксарини бекор қилишга ваъда берган эди. Майк Мулвинига кўра, давлатни ноумид қиладиган ва ўйлантириб қўйган нарса шундаки, Вашингтон олдингидан кўра янада коррупциялашиб кетган.
Унинг эътироф этишича, Америка қўшма штатлари президенти Доналд Трамп фаолиятининг дастлабки 65 кунида расмийлар Вашингтонни ўзгартира олишмади. Вашингтонда коррупцияга қарши кураш олиб бориш, Доналд Трампнинг 2016 йилдаги АҚШ президенти учун бўлиб ўтган сайлов олди кампаниясидаги ваъдаларидан бири эди. Доналд Трампнинг ўзи Уолстрит иқтисодий корруциялашган муҳитда фаолият юритган бўлиб, у ўтган йилги коррупцияга қарши курашиш ҳаракатларини ўзининг сайловолди ташвиқот дастурларида устувор йўналиш қилиб белгилаган эди. Бундан кўзланган мақсад эса, мавжуд вазиятдан норози бўлган сайловчиларни ўзига қаратиш бўлган ва уларнинг овозини ўзига жалб қилиш эди. Трамп ўзининг баёнотларида Вашингтон сиёсатчиларини ва Уолстрит компанияларини коррупцияга алоқадорликда ва умумхалқ манфаатларини кўрмаганга олишда айблади ҳамда сайловда ғалаба қозонса Вашнгтондаги коррупцияни таг томири билан йўқ қилишга ваъда берди. Республикачилар томонидан кўрсатилган ушбу номзод, сайловда кўп овоз олиш мақсадида АҚШда ҳукмронлик қилаётган сиёсий ташкилотларни тозалашга доир ваъдалар ва иборалардан фойдаланди.
Америка қўшма штатлари президенти сайловининг ушбу номзоди томонидан сиёсий расмийларга қаратилган ашаддий ҳужумлари ортидан кўплаб хомийлар Трамп атрофида тўпланишди ва уни қўллаб қувватлашди. Кўп йиллар давомида танқидчилар ва айрим оммавий ахборот воситалари Американинг тижорат ва иқтисодий соҳадаги асосий фаоллари ва кўп йиллик иш стажига эга бўлган сиёсатчиларининг коррупциялашгани ҳақида қайта қайта хабар беришар эди. Сиёсатчиларнинг йирик пораларни олишлари ва уларнинг коррупцияга алоқадорлиги сингари шармандаликларининг ошкор бўлиши шунингдек, Лоббийлар томонидан қўллаб қувватланадиган қудрат эгалари ва бойларнинг кирдикорлари ушбу хабарларни тасдиқлар эди. Ушбу шароитдан келиб чиқиб, Доналд Трамп коррупцияга қарши кураш шиори билан чиқди ва Демократлар номзоди Ҳиллари Клинтонни Америка қўшма штатларига ҳукмрон бўлган коррупциялашган иқтисодий-сиёсий ташкилотларнинг етакчиси сифатида мағлуб этди.
Шунга қарамай, Доналд Трамп бошчилик қилаётган Америка давлатининг фаолиятига 100 кун ўтишига қарамай, ушбу давлатнинг юқори мутасаддиларидан бири, коррупцияга қарши курашиш ҳаракатларининг натижа бермаётганини эътироф этди. Ўтган йилги сайлов олди кампанияда коррупцияга қарши шиорлар ва ваъдалар берган Доналд Трамп сайловда ғалаба қозонганидан кейин, ўз ҳамкорларини ва жамоасини ўша коррупцияда айблаган гуруҳ ва табақалар доирасидан танлаб олди. Трамп давлатига аъзо бўлганларнинг бойлиги ушбу мамлакат тарихида мисли йўқ эди ва айрим йирик ширкатларнинг раислари ва бошқарувчилари давлат идоралари ва вазирликларнинг юқори лавозимларида ўтиришди. Олдинги қўмондонлар ва Конгресс вакиллари ҳамда олдинги давлатнинг юқори мартабали расмийлари ҳам Трамп давлатини бошқаришда иштирок этишияпти. Трамп давлатини ташкил этиш тажрибаси ва унинг жанжал ва тортишувларга сабаб бўлган айрим мавзулари билан иш олиб бориши шуни кўрсатмоқдаки, Америкада сиёсий ташкилотчилик коррупцияга қарши шиорлардан кўра устун турадики, Трамп сингари шахсларни ҳам берган ваъдаларидан қайтишга ва орқага чекинишга мажбур этади.
Муҳтарам тингловчилар, " Таҳлилий эшиттиришга" ажратилган вақт ўз ниҳоясига етди. Дастурларимиз давом этади. Мен эса сизлар билан хайрлашаман. Яна радио тўлқинларида учрашгунча хайр, меҳрибон ва раҳимли аллоҳ паноҳида қолинг.
