СССРда туғилганлар Россия фуқаролигини олишлари мумкин
-
Россия паспорти
Бундан буён собиқ СССР ҳудудида туғилган кишилар ва уларнинг фарзандлари Россия фуқаролигини олишлари мумкин
FanWeek.ru сайтининг "Комсомолская правда" газетасиги таяниб тарқатган маълумотига кӯра СССР ҳудудида туғилган шахслар миллати, ирқи, динидан қатъий назар агар исташса, Россия фуқаролигини олишлари мумкин бӯлади. Энди уларга ӯзлари яшаб турган мамлакат фуқаролигидан чиқиш шарти қӯйилмайди.
Қонун лойиҳаси Россия Давлат Думасининг миллатлар ишлари қӯмитаси тасдиғидан ӯтди.
Манбанинг қайд қилишича, бу ҳақдаги қонун қабул қилиш зарурати ҳақида президент В, Путин кӯрсатма берган. 2016 йилнинг 30 декабр куни эса қонун лойиҳаси МДҲ, Евраазия интегратсияси ва хорижлик ватандошлар билан алоқалар қӯмитаси раисининг биринчи ӯринбосари Константин Затулин томонидан таклиф қилинган. Кейинчалик бу лойиҳа "Единая Россия" фраксиясининг аъзолари Артем Туров, Наталья Поклонская ва Умахан Умахановлар томонидан қӯллаб-қувватланган.
Яқин кунларда бу қонун лойиҳаси бошқа қӯмиталар томонидан ҳам кӯриб чиқилиб, Думада овозга қӯйилади.
Таҳлилчилар ушбу қонун лойиҳасини тайёрлаганлар номига эътибор қаратилса, у албатта, аксарият овоз билан қабул қилинади, деган ишончдалар.
