Санкт-Петербургда теракт уюштириш учун тайёргарлик кўраётган террорчилар қўлга олинди

Россия Федерал хавфсизлик хизмати томонидан ушланган шахслар ИШИД террорчилик гуруҳи номидан эртага якшанба куни Петербургда теракт уюштиришни режалаштиргани айтилмоқда

Россия федерациясининг Санкт-Петербург шаҳрининг Виборг туман суди ИШИД террорчилик гуруҳига аъзоликда гумонланаётган Евгений Ефимовнинг ҳибсга олинишига рухсатнома берди.

Россия Федерал хавфсизлик хизмати томонидан ушланган шахслар ИШИД номидан 17 декабрь куни Петербургда теракт уюштиришни режалаштиргани айтилмоқда.

Жиноятчи бунинг учун портловчи ускуналар тайёрлаётганида қўлга олинган. Тергов натижасида маълум бўлишича, у 17 декабрь куни шаҳардаги Қозон соборини портлатиб юбормоқчи бўлган.