Алишер Усмонов Англияда яшовчи энг бой кишилардан бири
май 14, 2018 09:12 Asia/Tashkent
Доимий турар жойи сифатида Англиядан рўйхатдан ўтган ўзбекистонлик Алишер Усмонов 10,5 миллиард фунт билан мамлакатда яшовчи энг бой кишилардан бири сифатида қайд этилди. Бу ҳақда The Sunday Times шундай дейди.
Маълум қилинишича, Россия Федерацияси фуқароси Усмонов Англиядаги энг бой кишилар рўйхатида саккизинчи поғонада эътироф этилди. Ўтган йили у бешинчи поғонада, бир миллиард кўпроқ фунт билан қайд этилганди. Мамлакатнинг энг бой кишиси, Ineos компанияси асосчиси Жим Радклифда 21 миллиард фунтга тенг сармоя мавжуд.
Рўйхатнинг кучли учлигидан мос равишда ҳиндистонлик Шри ва Гопи Ҳиндуя, якунда асли собиқ Совет фуқароси, америкалик Леонид Блаватник жой олган.
