Америка бизнеси Россиядан бутунлай чиқиб кетиши мумкин

Россиядаги Америка компанияларининг иши тўлиқ тўхтатилиши мумкин. Бу ҳақда Россиядаги Америка савдо палатаси (AmCham) раҳбари Алексис Родзянко маълум қилди, дея хабар беради РИА Новости.

«Компанияларнинг асосий ташвиши - бу санкциялар, бироқ бу нафақат ҳозир амалда бўлганлари, балки бўлиши мумкин бўлган қўшимча санкциялар таҳдиди. Санкциялар Американинг барча компанияларини Россиядан кетишга мажбурламоқда, сабаби улар банк тизимлари билан ишлаш, темир йўллар орқали ташиш ва газ харид қилишни тақиқлайди, яъни Россияда ишлаб чиқариш умуман имконсиз нарсага айланмоқда», - дея маълум қилди у.

Родзянконинг аниқлик киритишича, «бу ҳозирча фақатгина таҳдид, бироқ у мавжуд ва сўроқ остида турибди». Шу билан бирга, унинг сўзларига кўра, ҳозирги пайтда «бизнес ишлаш ва ўсишда, ҳаттоки Россияга сармоя киритишда давом этмоқда».

Эслатиб ўтамиз, аввалроқ Россия Буюк Британияни масхара қилаётгани айтилганди.