Россия Вашингтон аэропортида россиялик журналистнинг савол-сўроқ қилингани учун эътироз билдирди

Россия ташқи ишлар вазирлиги россиялик журналистнинг Вашингтон аэропортида сўроқ қилиб текширилганидан кейин эътироз билдирди. 

Ассошитейд пресс агентлигининг Москвадан тарқатган хабарига кўра, Россия ташқи ишлар вазирлиги якшанба кунги баёнотида шундай маълум қилдики,

россиялик вебсайт бош муҳаррирининг АҚШнинг Вашингтон аэропортида сўроқ қилиб текширилиши шуни кўрсатмоқдаки, америкалик масъуллар россиялик журналистларни қийнаб, уларга азият беради. 

Шунингдек, ушбу баёнотда келишича, жума куни Вашингтон аэропортида ЮСАРЛ вебсайти бош муҳаррири Александр Маликович бир неча соат савол сўров қилинган ва ундан ўзининг вебсайтини АҚШда хориж агентлиги сифатида қайд этилишини талаб этишган. 

Россия ташқи ишлар вазирлиги ушбу баёнотда қайд этишича, ушбу ҳолат америкалик масъулларнинг россиялик оммавий ахборот воситаларига ва матбуотига босим ўтказишидан дарак беради.