Хавфли трюкни ижро этмоқчи бўлган эркак машина тагида қолди (видео)
Америкалик Жейлен Норвуд #InMyFeelings флешмобидаги трюкни бажаришга уринди, аммо охирги лаҳзаларда уни машина уриб юборди.
Лавҳа аввалида у машинадан тушади ва йўлнинг ўтиш қисмида рэпер Дрейкнинг мусиқасига рақс тушади. Бир неча сониядан сўнг у йиқилиб тушади ва шу лаҳзада қарама-қарши томондан келаётган машина уни уриб юборади.Норвуд лавҳа остига ёзган изоҳида уни уриб юборган машина тасодифан келиб қолмаганлигини билдирган. У машина капоти устига сакраб чиқиши керак бўлган. Аммо асфальтдаги ҳўл доғ унинг режасини чиппакка чиқарган.
Аввалроқ Испания полициячилари #InMyFeelings флешмоби хавфли эканлигини билдиришганди. Унинг иштирокчилари автомобилдан тушиб америкалик рэпернинг қўшиғига рақс тушишади ва олдиларига келган машина капоти устига сакрашади. Уни биринчи бўлиб америкалик комик Шигги ижро этди ва бирпасда оммалашиб кетди.
