Эрон қуролли кучлар бош штаби Эрон учувчисиз учоғи ўриб туширилгани ҳақидаги хабарни рад этди
-
Эрон қуролли кучларининг етакчи матбуот котиби генерал Абулфазл Шикорчи
Эрон Ислом Жумҳурияти қуролли кучлари етакчи матбуот котиби Эрон учувчисиз учоғини ўриб тушириш масаласига тегишли Америка президентининг қилган иддаосини инкор этди.
Америка президенти Дональд Трамп пайшанба куни Американинг "ЮЭсЭс Боксер" кемасига яқинлашган Эроннинг учувчисиз учоғини ўриб туширди,-дея иддао қилди.
Трапмнинг бу иддаоси шундай бир вазъиятда баён этилмоқдаким, Америка мудофаа вазирлиги бир баёния нашр этиб, унда бу учувчисиз учоқ Эронга тааллуқ эканинига ишора этмади.
Эрон қуролли кучларининг етакчи матбуот котиби генерал Абулфазл Шикорчи жума куни Америка президентининг иддаосига хилоф тарзда, Эрон Ислом Жумҳуриятининг Форс кўрфази ва Ҳурмуз бўғозидаги барча учувчисиз учоқлари, жумладан Трамп зикр этган учоқ разведка маъмуриятини ижро этиши ва режалаштирилган назоратларни амалга оширишидан кейин ўз ҳарбий қароргоҳига қайтиб келди,-деб таъкидлади.
Генерал Шикорчи Америка президентининг асоссиз изҳоротини муҳим минтақа ҳисобланмиш Форс кўрфази ва стратегик Ҳурмуз бўғозини нотинчликка юзмаюз этиш ва кескинликлар яратиш мақсадида баён этилган деб билиб, Эрон қуролли кучлари доим ҳушёрлик ва халқаро қонунлар асосида Форс кўрфази ва Ҳурмуз бўғозининг хавфсизлигини муҳофазат этиш, назорат қилиш ва қуриқлашни ўзининг қонуний вазифаси деб билади,-дея таъкидлади.
